നീലാകാശവും സ്വപ്നങ്ങളും

വിലാപങ്ങൾ

2011-08-27T17:24:00.000+05:30

Irish Cottage

2011-07-10T13:43:00.000+05:30

Untitled

2011-07-09T04:07:00.001+05:30

Untitled

2011-05-01T04:45:00.000+05:30

Bannow bay, Co.Wexford, Ireland

പാഡീസ് ഡെ - അയര്‍ലാന്റ്

2011-03-18T05:01:00.000+05:30

ഡബ്ലിനില്‍ നടന്ന സെയിന്റ് പാട്രിക്ക് ഡേ പരേഡില്‍ നിന്ന്

രാത്രി

2011-03-02T06:14:00.000+05:30

വളരെ നാളുകള്‍ക്ക് ശേഷം ഇന്ന് ആകാശം തെളിഞ്ഞതായിരുന്നു. നക്ഷത്രങ്ങളെ കാണാന്‍ കിട്ടുന്നത് അപൂര്‍വ്വമാണ്. ചെറിയ മൂടല്‍മഞ്ഞ് എപ്പോഴുമുണ്ടാകും. ഇല്ലെങ്കില്‍ മേഘങ്ങള്‍. അതുമല്ലെങ്കില്‍ പട്ടണത്തില്‍ നിന്ന് പ്രസരിയ്ക്കുന്ന ശക്തിയായ പ്രകാശത്തില്‍ മൂടിപ്പോയ ചക്രവാളം.
പക്ഷെ, ഇന്ന് മേഘങ്ങളില്ല, അധികം തണുപ്പുമില്ല, അതുകൊണ്ട് വിജനമായ ഒരു കാട്ടുമുക്കില്‍ പോയി കാത്തിരുന്നു. നല്ല ഇരുട്ടായതുകൊണ്ട് composition ഒന്നും ചെയ്യാന്‍ കഴിഞ്ഞില്ല. അടുത്ത പ്രാവശ്യം ടോര്‍ച്ച് മറക്കാതെ എടുക്കണം.
അങ്ങിനെ കുറച്ച് കഴിഞ്ഞപ്പോള്‍ അതാ വരുന്നു ഒരു കാറ്. അതാണ് താഴെക്കാണുന്ന ചുവന്ന വെളിച്ചം. മറ്റൊരെണ്ണം അപ്പുറത്ത് നിന്ന് വരുന്നത് കണ്ട് ചാടിയിറങ്ങി എക്സ്പോഷര്‍ നിറുത്തി, നേരെ വീട്ടിലേയ്ക്ക്...മടി, വല്ലാത്ത മടി.

ഒരു പൂത്തുമ്പി

2011-02-11T12:27:00.000+05:30

ഈ ബ്ലോഗ് ചിതലരിച്ച് പോകേണ്ട എന്ന് കരുതി പഴയതൊരെണ്ണം ഇവിടെ തട്ടുന്നു. നട്ടുച്ചയ്ക്കാണ് ഈ ചിത്രം എടുത്തത്, അതിന്റെ exposure problems ഉണ്ട്.

ഡാല്‍ഡ-13 ന് പത്മവിഭൂഷണ്‍

2011-01-26T03:46:00.001+05:30

രാജ്യത്തെ പരമോന്നത ബഹുമതികളിലൊന്ന് ഭാരതത്തിലെ ആദ്യ സ്ത്രീ ഫോട്ടോ ജേര്‍ണലിസ്റ്റിന്.
ഹോമൈ വ്യാരവാലാ യെക്കുറിച്ചുള്ള ഡോക്യുമെണ്ടറിയുടെ പേര് തന്നെ ‘A Talented Woman History forgot' എന്നാണ്. ഭാഗ്യം, ചരിത്രം മറന്നുപോയെങ്കിലും തിരുത്താന്‍ സമയം കിട്ടിയല്ലോ.
ഫോട്ടോഗ്രാഫി വരേണ്യവര്‍ഗ്ഗത്തിന് മാത്രം ലഭ്യമായിരുന്ന കാലത്ത് അത് സ്വായത്തമാക്കുകയും അതുവഴി ഭാരതത്തിന്റെ രാഷ്ട്രീയ ഇടനാഴികളെ ജനങ്ങളിലേയ്ക്ക് എത്തിയ്ക്കുവാനും കഴിഞ്ഞുവെന്നതാണ് ഈ സ്ത്രീയുടെ മഹത്വം. സ്വതന്ത്രപൂര്‍വ്വഭാരത്തിന്റെ നല്ലൊരു ഡോക്യുമെന്ററി കൂടിയാണവരുടെ ചിത്രങ്ങള്‍.

കൂടുതല്‍ അന്വേഷിച്ച് വായിയ്ക്കുമല്ലോ?

ആശംസകള്‍

2010-12-20T02:28:00.001+05:30

മഞ്ഞില്‍ക്കുളിച്ച്

2010-12-08T04:16:00.000+05:30

മുത്തു കലക്കി !!!

2010-11-15T03:28:00.003+05:30

പാലക്കാട് ചിതലിയിലെ കന്നോട്ടക്കാരെക്കുറിച്ച് മുന്‍പ് ചിത്രങ്ങള്‍ സഹിതം പോസ്റ്റ് ചെയ്തിരുന്നു.
ഇന്ന് വീണ്ടും അവരെക്കുറിച്ച് തന്നെ. പക്ഷെ ഒരു കാരണമുണ്ട്.
Irish Photography Federation സംഘടിപ്പിച്ച നാഷനല്‍ ഷീല്‍ഡ് മത്സരത്തില്‍( ഇന്ന്-14/11/10) സില്‍‌വര്‍ മെഡല്‍ നേടാന്‍ എന്നെ സഹായിച്ചത് ഈ മുത്തുവും കാളകളുമാണ്.

ഈ ചിത്രം എന്റെ പ്രിയപ്പെട്ട ഒരു ചിത്രമല്ല. മറ്റൊന്നുമല്ല, കന്നോട്ടത്തിന്റെ വീറും വാശിയും മുഖത്ത് കാണിയ്ക്കാത്ത ഒരു നിസംഗനാണ് മുത്തു. കുറെയധികം ചിത്രങ്ങള്‍ എടുത്തുകഴിഞ്ഞാണ് ഞാന്‍ ശ്രദ്ധിച്ചത്, ഓരോ കന്നോട്ടം കഴിയുമ്പോഴും കന്നുകളുടെ ഉടമസ്ഥര്‍ ആഹ്ലാദം കൊണ്ട് ഉന്മത്തരാകും, എന്നിട്ട് തലകുത്തിമറിയും ചെളിയില്‍. എന്നാല്‍ മുത്തു തിരിഞ്ഞുനടക്കുകയായിരിക്കും ആ നേരം. തന്റെ അടുത്ത കന്നുകളുടെ അടുത്തേയ്ക്ക് അവയെയും വിജയത്തിലേയ്ക്ക് നയിയ്ക്കാന്‍. കന്നോട്ടക്കാരന് ഇത് ഒരു ജോലിമാത്രം. പക്ഷെ, മുത്തു ഈ ജോലിയില്‍ വിദഗ്ദ്ധനാണ്. കാളകളുടെ വേഗ്ഗം നിയന്ത്രിയ്ക്കാനും അവയെ അനുസരിപ്പിയ്ക്കാനും മിടുക്കാന്‍. ഒരു പ്രാവശ്യം പോലും മുത്തു ഇടയ്ക്ക് വെച്ച് വീണുപോയില്ല. കന്നുകള്‍ താളം തെറ്റിയോടിയില്ല. മുത്തു കാളോട്ടക്കാരില്‍ മുമ്പനാണ്, സംശയമില്ല.
എന്നാല്‍ മൊയ്തീങ്കുട്ടിക്ക അങ്ങിനെയല്ല; അതൊരു ഹരമാണ്. സിരകളില്‍ അഗ്നി പടര്‍ത്തുന്ന ആവേശത്തിന്റെ തിരമാല.

ഇതിലാര്‍ക്കാണ് കൂടുതലാവേശം? കാളയ്ക്കോ? മൊയ്തീനിക്കക്കോ? ഒരു ശരീരം പോലെ മൂന്ന് പേര്‍, വിജയത്തിലേയ്ക്ക്.

കളര്‍ ചിത്രങ്ങളുടെ മത്സരത്തില്‍ അവസാന റൌണ്ടിലാണ് ഈ ചിത്രം പിന്തള്ളപ്പെട്ടത്. എന്നാലും ഈ കോമ്പിനേഷനാണ് എന്റെ പ്രിയ ചിത്രം.

ഈ ചിത്രങ്ങള്‍ക്ക് ഞാന്‍ നന്ദി പറയേണ്ടത് അനേകം അവാര്‍ഡുകള്‍ വാങ്ങിക്കൂട്ടിയിട്ടൂള്ള എന്റെ ഗുരുസ്ഥാനീയനായ സുധന്‍ ചേട്ടനോടാണ്. അസൂയാവഹമായ ചിത്രങ്ങള്‍ കാഴ്ച വെയ്ക്കുന്ന അദ്ദേഹത്തിന്റെ പുതിയ സംരഭങ്ങള്‍ക്ക് ആശംസകളോടൊപ്പം എന്നെ കൂടെക്കൂട്ടാന്‍ തോന്നിയ ആ നല്ല മനസ്സിന് ഞാന്‍ നന്ദി പറയുന്നു.

Untitled

2010-10-27T05:09:00.000+05:30

തന്റെ പോത്തുകളുടെ ഊഴവും കാത്ത്..

ആരൊരാളെന്‍

2010-10-23T07:22:00.001+05:30

ഇത് മൊയ്തീന്‍‌കുട്ടീ. കാളയോട്ടക്കാരന്‍. ചിതലിയില്‍ നിന്ന്.
ഓട്ടം ഇത്ര നന്നായി ആസ്വദിയ്ക്കുന്ന മറ്റൊരോട്ടക്കാരനില്ല. കണ്ണുകളിലും മുഖത്തും നിറയെ ആവേശം. ഹോ!
ഒരു ചിത്രപ്രദര്‍ശനത്തിലേയ്ക്കായി ചിത്രങ്ങള്‍ പരിശോധിയ്ക്കുമ്പോള്‍ കണ്ടുകിട്ടീയതാണീ ചിത്രം.

Goldfinch

2010-10-18T02:24:00.000+05:30

സൂര്യകാന്തികള്‍ വിളവെടുക്കാന്‍ സമയമായി...
സൂര്യകാന്തി വിത്തുകള്‍ കൊത്തിത്തിന്നുന്ന Goldfinch എന്ന സുന്ദരന്‍. ചെറുപ്രായമാണെന്ന് തോന്നുന്നു.
ചിത്രം പകര്‍ത്തിയത് ഒരു ഗ്ലാസ് വിന്‍ഡോയ്ക്കതത്ത് നിന്ന്

Enchanting forest -2

2010-10-16T18:58:00.001+05:30

ഇത് ഒരു straight from camera ചിത്രമല്ല.

ഗൂഗോന്‍ബാര ഒരു അത്ഭുതസ്ഥലമാണ്.

പ്രകൃതിയുടെ സൌന്ദര്യം മുഴുവന്‍ ഈ പ്രദേശത്ത് ഒളിപ്പിച്ചുവച്ചിരിയ്ക്കുകയാണെന്ന് തോന്നും. ജനത്തിരക്കില്‍ നിന്ന് മാറി, മാമലകള്‍ക്കിടയില്‍, ഐതിഹ്യങ്ങളും പേറി അങ്ങിനെ...

മലമടക്കുകള്‍ക്കിടയില്‍ നിന്നും ഉത്ഭവിയ്ക്കുന്ന ലീ എന്ന നദി, അതിന്റെ ചാലുകള്‍ മുഴുവന്‍ ഈ കാടുകള്‍ക്കിടയിലുണ്ട്. പച്ചപ്പ് നിറഞ്ഞ ഈ അടിക്കാടുകള്‍ക്ക് മുകളില്‍ ഹേമന്തം പതിയെ പടര്‍ന്ന് കയറുന്നു. കാഴ്ചകള്‍ എന്നെ മത്തുപിടിപ്പിയ്ക്കുന്നു, എന്റെ ക്യാമറയെയും...

Enchanting forest

2010-10-12T05:01:00.000+05:30

ഇരുട്ടും തോറും വനത്തിന് സൌന്ദര്യം കൂടിവരുന്ന പോലെ.

ശരിയ്ക്കുമൊരു മാന്ത്രികവലയത്തില്‍ അകപ്പെട്ട പോലെ.

Untitled - 2

2010-10-08T04:29:00.000+05:30

ഗൂഗോന്‍ ബാര; ആറാം നൂറ്റാണ്ടില്‍ ജീവിച്ചിരുന്ന St.Finbarr ആണ് ഈ പള്ളി സ്ഥാപിച്ചതെന്ന് കരുതുന്നു. ഒരു തടാകത്തിന്റെ നടുവിലുള്ള ഒരു ചെറിയ ദ്വീപിലാണ് ഈ പള്ളി.
വളരെയധികം ടൂറിസ്റ്റുകളെ ആകര്‍ഷിയ്ക്കുന്ന ഈ സ്ഥലം പല തവണ പോയിക്കാണാന്‍ ആഗ്രഹം.

Untitled

2010-10-08T03:40:00.000+05:30

പിള്ളാരു കളി

2010-10-04T03:15:00.000+05:30

ഒരു Drifting session ല്‍ നിന്ന്.
കാറ് കൊണ്ട് ഇവന്മാരു കാട്ടുന്ന ഓരോ അഭ്യാസങ്ങള് കണ്ടാല്‍...

untitled

2010-09-23T04:12:00.001+05:30

ശലഭങ്ങള്‍

2010-09-16T18:30:00.000+05:30

ആവേശം

2010-09-05T15:57:00.000+05:30

വിജയാഘോഷം

ഹൃദയത്തിലേയ്ക്ക് നോക്കുന്ന കണ്ണുകൾ

2010-09-04T01:09:00.000+05:30

Untitled -2

2010-09-01T23:51:00.000+05:30

Untitled

2010-08-31T09:51:00.000+05:30

ഞങ്ങളൊക്കെ പുലികളാ...

2010-08-27T08:13:00.000+05:30

മഴത്തുള്ളീകൾ ലെൻസിൽ പറ്റിയിരിയ്ക്കുന്നതാണ്‌ ആ ബ്ലർ.

കുറച്ചുകൂടി ചിത്രങ്ങൾ ഇവിടെ, ഇവിടെ

കണ്ണും മെയ്യും മറന്ന്

2010-08-26T03:14:00.000+05:30

ഇതൊരു പുതിയ അനുഭവമായിരുന്നു. 300 ജോഡിക്കന്നുകൾ, 300 കന്നോട്ടക്കാർ ഇത് കാണാൻ വൻ പുരുഷാരവും. പലപ്പോഴും ചെറുതർക്കങ്ങൾ തല്ലിലേയ്ക്ക് വഴുതിപ്പോയിക്കൊണ്ടിരുന്നു. ഇതൊന്നുമറിയാതെ കന്നുകൾ പിന്നെയും ഓടിക്കൊണ്ടിരുന്നു, മരണഭീതിയോടെ...

പടക്കളത്തിലേയ്ക്ക്

2010-08-26T03:04:00.000+05:30

ത്രിശ്ശൂരുകാരുടെ ആനക്കമ്പം, പൂരക്കമ്പം; ആലപ്പുഴക്കാരുടെ വള്ളംകളി എന്ന പോലെ തന്നെ പാലക്കാട്ടുകാർക്ക് കമ്പം 'കന്നുതെളി' അല്ലെങ്കിൽ 'മരമടി' എന്ന കാളയോട്ടമത്സരമാൺ. കഴിഞ്ഞ വർഷത്തിൽ ഹൈക്കോടതി സ്റ്റേ മൂലം നടക്കാതെ പോയ മത്സരം ഈ വർഷം പൂർവ്വാധികം ഭംഗിയായി നടത്താൻ ഭാരവഹികൾക്ക് കഴിഞ്ഞു. ചിതലിയിലെ കന്നുതെളി മത്സരത്തിൻ തയ്യാറായി നിൽക്കുന്ന കാളക്കൂറ്റൻ.

ഒള്ളതുകൊണ്ട് ഓണം പോലെ

2010-08-23T01:00:00.002+05:30

ഒള്ളതുകൊണ്ട് ഓണം പോലെ - Spider eating wasp.

വംശാവലിയും ചരിത്രവും ഒന്നും അറിയാന്‍ പാടില്ല; എന്നാലും ഇവന്‍ എട്ടുകാലികളെ തിന്നുന്ന ഒരിനം ചെറുകടന്നലാണ് എന്നറിയാം. എട്ടുകാലിയുടെ ചിത്രമെടുക്കാന്‍ അടുത്ത് ചെന്ന ഞാന്‍ കണ്ടത് കടന്നലിന്റെ കുത്ത് കൊണ്ട് തളരുന്ന എട്ടുകാലിയെയാണ്. അപൂര്‍‌വ്വമായ ഒരു കാഴ്ച.

എത്തിനോട്ടം

2010-08-22T16:25:00.000+05:30

ലവന്റെ സൈഡ് പോസ് കണ്ടാല്‍ കുറച്ചുകൂടി ഭീകരമാണ്, അതൊരിയ്ക്കല്‍ പോസ്റ്റാം

ആരട വീരാ പോരിനു വാടാ

2010-08-22T10:04:00.002+05:30

ലവന്റെ നില്പ്പും നോട്ടവും കണ്ടാല്‍ ഇപ്പൊ പിടിച്ച് വിഴുങ്ങുമെന്ന് തോന്നും.

പ്രാര്‍ത്ഥന

2010-08-21T23:04:00.000+05:30

പച്ചക്കുതിര എന്ന് പറയാന്‍ പാടില്ല, ഭാഗ്യം എന്നേ പറയാവൂ..

ലാന്റിങ്ങ്

2010-08-17T13:45:00.001+05:30

ഗറ്ര്ര്ര്ര് ----2

2010-08-15T21:43:00.000+05:30

ഗര്‍‌ര്‍‌‌റ് റ് റ്....

2010-08-14T02:09:00.002+05:30

ആപ്പിളുകള്‍ തിന്നാന്‍ വന്ന കടന്നലുകള്‍ ആപ്പിളില്‍ തന്നെ താമസമുറപ്പിച്ചിരിയ്ക്കുകയാണ്. എന്നാലും വലിയ ശല്യക്കാരല്ല. കുറച്ചുപേരെ ഇങ്ങിനെ പല പോസില്‍ നിറുത്തി എടുത്തിട്ടുണ്ട്. രണ്ടുവര്‍ഷങ്ങള്‍ക്ക് മുന്‍പ് ത്രിശ്ശൂക്കാരനില്‍ ഒരു പോസ്റ്റിട്ടിരുന്നു, കടന്നലുകളുടെ കടന്നാക്രമണത്തെക്കുറിച്ച്.

പ്രകൃതിയിലേയ്ക്ക്

2010-08-12T16:18:00.007+05:30

ഉപയോഗത്തിലില്ലാത്ത വീട് - പ്രകൃതിയുടെ വികൃതികള്‍

പൊന്‍‌കതിരുകള്‍

2010-08-11T16:15:00.000+05:30

എന്തായാലും ഇപ്പോള്‍ റോഡില്‍ നിന്നേ ചിത്രമെടുക്കൂ...

പല പ്രാവശ്യം ഈ ലൊക്കേഷനില്‍ പോയിട്ടുണ്ട്, അന്നൊന്നും ഈ മരം ശ്രദ്ധിച്ചിട്ടില്ല. ഐറിഷ് പാടങ്ങളുടെ collection ലേയ്ക്ക് ഒന്നുകൂടി.

സൂര്യകാന്തി

2010-08-10T18:34:00.000+05:30

കോതമ്പ് പാടങ്ങള്‍

2010-08-05T04:01:00.001+05:30

കോതമ്പ് പാടങ്ങള്‍ ആണോ എന്ന് ചോദിച്ചാല്‍, അല്ല; ബാര്‍ലിയാണെന്ന് തോന്നുന്നു. ഇനി അതല്ല എന്നാര്‍ക്കെങ്കിലും തോന്നുന്നുണ്ടെങ്കില്‍ അതും പറയാം.

ഇന്ന് വൈകുന്നേരം നല്ല വെയില്‍ കണ്ടപ്പോള്‍ ഒന്ന് കറങ്ങിയപ്പോള്‍ കണ്ട പാടങ്ങള്‍. ഇതിന്റെ ഉടമസ്ഥന്‍ കുറച്ച് കഴിഞ്ഞ് വന്ന് കാര്യം തിരക്കി, കുറെ നേരമായല്ലോ ഇവിടെ നിന്ന് കറങ്ങുന്നുവെന്ന്? കാര്യം പറഞ്ഞപ്പോള്‍ കുഴപ്പമൊന്നുമില്ല. എങ്കിലും ഞാന്‍ നില്‍ക്കുന്നത് ഒരു private road ലാണെന്ന് ഓര്‍മിപ്പിയ്ക്കാന്‍ പുള്ളി മറന്നില്ല. നാണക്കേടയിപ്പോയി. പാടങ്ങള്‍ക്ക് നടുവേ നല്ല ടാറിട്ട റോഡ് കണ്ടപ്പോള്‍ അതുവഴി ഓടിച്ച് നോക്കിയതാണ്, അബദ്ധമായി.

പിന്നെ ഒരായിരം സോറി പറഞ്ഞ് കയ്ച്ചിലാക്കിന്ന് പറഞ്ഞാമതിയല്ലോ.

Private property യില്‍ നിന്ന് ചിത്രങ്ങളെടുക്കാന്‍ മുന്‍‌കൂട്ടി അനുവാദം വാങ്ങിയിരിയ്ക്കണം, പൊതുസ്ഥലത്ത് നിന്ന് private property യുടെ ചിത്രമെടുക്കാന്‍ അനുവാദം വേണ്ട.

നിയമവിരുദ്ധമായി തങ്ങളുടെ സ്ഥലത്ത് (വീട്ടില്‍) കയറുന്നവരെ ആയുധമുപയോഗിച്ച് നേരിടാന്‍ അനുവദിയ്ക്കുന്ന ബില്ല് കുറച്ച് ദിവസങ്ങള്‍ക്ക് മുന്‍പ് പാസ്സാക്കിയതേയുള്ളൂ. ഇത്തരം പൊല്ലാപ്പുകള്‍ ഉള്ളതുകൊണ്ട് അതിക്രമങ്ങള്‍ കാണിയ്ക്കാറില്ല, എങ്കിലും ഇത്തരം അബദ്ധങ്ങള്‍ സംഭവിയ്ക്കാതെ നോക്കിയാല്‍ തടി കേടുകൂടാതിരിയ്ക്കും.

തിരകളുടെ സല്ലാപം

2010-08-03T16:47:00.000+05:30

മുന്‍പ് ഇതേ സ്ഥലത്ത് നിന്നൊരു ചിത്രം പോസ്റ്റ് ചെയ്തിരുന്നു. 2 ചിത്രങ്ങള്‍ കൂട്ടിച്ചേര്‍ത്തതാണീചിത്രം. Post processing വളരെ വേഗം ചെയ്ത കാരണം പല പോരായ്മകളുമുണ്ട്. സൂക്ഷിച്ച് നോക്കിയാല്‍ കാണാം.

റെഡ്ബുള്‍ മാറ്റഡോര്‍

2010-07-29T07:00:00.001+05:30

Irish വ്യോമയാന ചരിത്രത്തിന്റെ 100 വാര്‍ഷികാഘോഷങ്ങളുടെ ഭാഗമായി Bray യില്‍ നടന്ന പ്രകടനത്തില്‍ നിന്ന്.

യക്ഷഗാനം

2010-07-27T22:12:00.000+05:30

അയര്‍ലന്റിലെ ഡണ്‍ലേരി എന്ന സ്ഥലത്ത് വര്‍ഷം തോറും നടക്കുന്ന festival of world cultures ല്‍ അവതരിപ്പിച്ച യക്ഷഗാനത്തില്‍ നിന്ന്.

ഈച്ച (Flesh fly): ഒരു close up ചിത്രം

2010-07-21T05:54:00.004+05:30

വൈകുന്നേരമായതുകൊണ്ട് വലിയ അനക്കമൊന്നുമില്ലാതെ ഇരിയ്ക്കുകയായിരുന്നു വിദ്വാന്‍. ഇവറ്റകള്‍ ഒരിയ്ക്കലും പൂവിനകത്തേയ്ക്ക് തിരിഞ്ഞിരിയ്ക്കില്ല, എല്ലായ്പോഴും പുറത്തേയ്ക്ക് തലതിരിച്ച് ചിത്രത്തില്‍ നിന്ന് ഇപ്പൊ പറന്ന് പോകും എന്ന മട്ടില്‍. കമ്പോസിഷനും റൂള്‍സുമെല്ലാം ഇവരെ പഠിപ്പിച്ചേ മതിയാകൂ.

ചിത്രം crop ചെയ്തതാണ്. Canon 50 D, Sigma 105 mm 2.8 lens, Ring flash എന്നിവ ഉപയൊഗിച്ചാണ് ചിത്രമെടുത്തത്. 1/80 sec, f 7.1 ISO 320. Manual mode, Flash under exposed to 1 (still it over exposed the flowers). Camera Hand held, taken 3 shots.
ഈ ചിത്രത്തിന്റെ Original താഴെ, without any post processing.

Post processed using Adobe elements. Adjusted the levels, curves (plug in, elements doesn't have a curves option, but you can download a plug in from smart curves), increased contrast, reduced brightness, sharpened. Then cropped to a suitable size for the blog.
ഇത് raw ആയി shoot ചെയ്തെങ്കില്‍ കുറച്ചുകൂടി നല്ല exposure and white balance കിട്ടിയേനെ. Extension tube use ചെയ്തിട്ടില്ല.

Flesh fly - (Sarcophaga carnaria)

മാക്രോ & ക്ലോസപ്പ് ഫോട്ടോഗ്രാഫി

കയ്യോടെ പിടികൂടി

2010-07-18T21:57:00.001+05:30

1.Sparrow
2.Greenfinch
3.Jackdaw(crow family)
4.Sparrow
5&6.Starling

കുരച്ചുനാളായി ഇവരെ തീറ്റിപ്പോറ്റാന്‍ തുടങ്ങിയിട്ടെങ്കിലും ഇന്നാണ് നല്ല കുറച്ച് ചിത്രങ്ങള്‍ കിട്ടിയത്. ഭക്ഷണം കഴിയ്ക്കാന്‍ വളരെയിഷ്ടമാണെങ്കിലും ക്യാമറയോ എന്റെ തലയോ കണ്ടാല്‍ പറന്നുകളയുന്ന ടീമുകളായിരുന്നു ഭൂരിഭാഗവും. അതുകൊണ്ട് ഗാര്‍ഡനില്‍ ഒരു ഒളിസ്ഥലമൊരുക്കി അതിനകത്തിരുന്നാണ് ഇവരെ ക്ലിക്കിയത്.

Camera Canon 50D, Sigma 70-200 2.8 lens

I burn for you

2010-07-17T06:11:00.000+05:30

ബാക്കി ചിലത് ഫ്ലിക്കറില്‍

സ്പീഡ്

2010-07-12T08:41:00.000+05:30

Time attack Racing from Mondello Park, Ireland

ഇന്ന് ഒരു സുഹൃത്ത് ഈ Race ല്‍ പങ്കെടുക്കേണ്ടതായിരുന്നു, കൂടെ പാസഞ്ചര്‍ സീറ്റില്‍ ഞാനും. പുള്ളി പ്രാക്ടീസിനിടയില്‍ മതിലില്‍ കൊണ്ടിടിച്ച് കാര്‍ ഒന്നിനും കൊള്ളാത്ത പരുവമാക്കി. അല്ലെങ്കില്‍ ഇന്നീ ട്രാക്കില്‍ ഞാന്‍ പാസഞ്ചര്‍ സീറ്റിലിരുന്ന് കാറിവിളിച്ചേനെ... ഒരു കണക്കിന് നന്നായി, കുറച്ച് നല്ല പടങ്ങള്‍ കിട്ടി. പക്ഷേ പാവം സുഹൃത്ത്, ഒരു 10000 യൂറോ(പുള്ളിയുടെ 2 വര്‍ഷത്തെ സമ്പാദ്യം) പൊടിച്ച് കാറൊന്ന് മോഡിഫൈ ചെയ്തതേ ഉണ്ടായിരുന്നുള്ളൂ.

പാനിങ്ങ് തുടര്‍ന്ന് കൊണ്ടേയിരിയ്ക്കുന്നു. അതിനിടയില്‍ ഒരു വിശേഷം, ഞാന്‍ കരുതിയത് പാനിങ്ങ് ചിത്രങ്ങള്‍ കാര്‍ റേസ്കാര്‍ക്ക് വലിയ ഹരമാണെന്നാണ്. അവര്‍ക്ക് പക്ഷേ ഇഷ്ടം, പുക, ടയര്‍ ഉരയുന്നത്, വണ്ടി മതിലില്‍ ഇടിയ്ക്കാന്‍ പോകുന്ന പോലെ പോയി തിരിച്ചുവരുന്നത്, head on shot, shot from above ഒക്കെയാണ്. അത് മാത്രമല്ല, കാറിനേക്കാളും കൂടുതല്‍ കാണേണ്ടത് അതില്‍ ഒട്ടിച്ചിട്ടുള്ള സ്റ്റിക്കറുകളാണ്, എന്നാലേ സ്പോണ്‍സര്‍ ചെയ്യുന്നവന്‍ മുഴുവന്‍ കാശും കൊടുക്കൂ...എന്തായാലും അടുത്ത കുറച്ച് നാളുകള്‍ കാറും ബൈക്കുമൊക്കെയായിരിയ്ക്കും പുതിയ പരീക്ഷണങ്ങള്‍. ഇത് വരെ കൈ വയ്ക്കാന്‍ പറ്റാത്തതിന്റെ ആ വിഷമം അങ്ങ്ട് തീരട്ടെ.

Untitled

2010-07-07T18:04:00.000+05:30

പൂവ്, തേനീച്ച

2010-06-29T18:30:00.000+05:30

Old is gold

2010-06-21T13:24:00.001+05:30

Mondelo യില്‍ ഇന്നലെ നടന്ന വിന്റേജ് കാര്‍ റാലിയില്‍ നിന്ന്.ബാക്കിയുള്ളത് ഇവിടെ

വയസ്സൊത്തിരിയായി

2010-06-18T06:25:00.001+05:30

Ghost Moth Hepialus humuli
Pictures from my serengeti (otherwise known as back garden)

sharing is caring

2010-06-15T20:14:00.000+05:30

തേനീച്ചയുടെ ചിത്രം പകര്‍ത്തി സ്ക്രീനില്‍ നോക്കിയപ്പോഴാണ് ചെറിയ ചിലന്തിയെ ക്കണ്ടത്, അതും കഴിഞ്ഞ് കുറച്ച് ചിത്രങ്ങല്‍ കൂടി പകര്‍ത്തിയ ശേഷമാണ് pea aphid എന്ന ചെറിയ പ്രാണികൂടി അവിടെ ഉണ്ട് എന്ന് മനസ്സിലായത്.ചിത്രത്തിന്റെ മുകളില്‍ കാണുന്ന മഞ്ഞ നിറം പുറകിലെ മറ്റു പൂവുകളുടേതാണ്. അത് തീരെ കാണാതെ compose ചെയ്താല്‍ aphid നെ കാണാന്‍ കഴിയില്ല. അങ്ങിനെ ഒരു compromise ല്‍ ഈ ചിത്രമുണ്ടായി.Post processing ല്‍ Clone tool ഉപയോഗിച്ച് എളുപ്പം ആ നിറങ്ങള്‍ മാറ്റാം. ഒന്ന് ശ്രമിയ്ക്കണം. Pea Aphid ന്റെ മറ്റൊരു ചിത്രം ഇവിടെ കാണാം.

പോപ്പികള്‍-2

2010-06-14T18:33:00.000+05:30

വെറുതെ ഒരു സ്വപ്നം

2010-06-13T01:10:00.000+05:30

പലപ്പോഴും നീലാകാശത്തിന് താഴെ കാറ്റിലാടി നിന്ന് സ്വപ്നം കാണുന്ന പോപ്പികളെ കാണുമ്പോള്‍ ചിത്രത്തിലാക്കണമെന്ന് തോന്നാറുണ്ട്. ചെറിയ ഇടവഴികളില്‍ പാര്‍ക്ക് ചെയ്യാന്‍ ഉള്ള അസ്വൌകര്യവും ഫാം ലാന്റുകളില്‍ അതിക്രമിച്ച് കയറനുള്ള വൈമനസ്യവും കാരണം ഇതുവരെ സാധിച്ചില്ല.

അങ്ങിനെ ഇന്ന് ഒരവസരം കിട്ടി.

ഇതാ, നീലാകാശത്തിന് താഴെ കാറ്റിലാടുന്ന പോപ്പികള്‍.

ഇവരുടെ പല ഭാവങ്ങളില്‍ പല റൂളുകളില്‍, പല കണക്കുകളില്‍ ഒരു 10-80 ചിത്രങ്ങല്‍ ഉണ്ട്(ആ വെഷമങ്ങ്ട് മാറ്റി). അതെല്ലാം ഇവിടെ കാണിയ്ക്കാന്‍ പറ്റാത്തതുകൊണ്ട് ചില സാമ്പിള്‍സ് ഇന്ന് മുതല്‍ പ്രദര്‍ശനത്തിനെത്തുന്നതായിരിയ്ക്കും. തിയ്യറ്റര്‍ തല്ലിപ്പൊളിയ്ക്കരുത്.

ഭീകരന്‍

2010-06-11T20:31:00.000+05:30

ഒരു പാവം പാവം തേനീച്ച

കെറി, ഒരു വാരാന്ത്യത്തിന്റെ ഓര്‍മ്മയ്ക്ക്

2010-06-10T04:16:00.000+05:30

Co. Kerry.
ഇത്തവണ എന്തുകൊണ്ടോ ചിത്രങ്ങള്‍ എടുക്കാന്‍ തോന്നിയില്ല. മൂന്ന് ദിവസങ്ങള്‍ അയര്‍ലന്റിലെ ഏറ്റവും പ്രകൃതിഭംഗിയുള്ള ഈ സ്ഥലത്ത് തങ്ങിയിട്ടും ചിത്രങ്ങള്‍ എടുക്കാന്‍ തോന്നാഞ്ഞത് അത്ഭുതമായി. ഒരു പക്ഷെ ഒരു ഫാമിലി ഔട്ടിങ്ങ ആയതുകൊണ്ടാവണം, ക്യാമറ കൂടുതല്‍ സമയം ബാഗില്‍ തന്നെയായിരുന്നു.

മുകളില്‍ കാണുന്ന കോട്ടേജില്‍ അറ്റ്ലാന്റിക് സമുദ്രത്തിനടുത്ത് കടല്‍ക്കാറ്റും കൊണ്ട് അസ്തമയവും കണ്ട് ബീച്ചില്‍ കുളിച്ച് അങ്ങിനെ... അതിനിടയില്‍ ഫോട്ടോയെടുക്കാന്‍ മറന്നുപോയി.

Untitled

2010-05-31T18:32:00.000+05:30

Untitled

2010-05-28T05:45:00.001+05:30

Dingle എന്ന കടലോരഗ്രാമത്തിന്റെ ഒരു വിദൂര ചിത്രം. ഇനിയുള്ള മാസങ്ങളില്‍ ഇവിടുത്തെ തെരുവുകള്‍ നിറയെ ടൂറിസ്റ്റുകളെക്കൊണ്ട് നിറയും. Dingle ല്‍ വ്ന്ന് Fungi എന്ന പേരുള്ള Dolphin ന്റെ കൂടെ സമയം ചെലവഴിച്ച് ഓര്‍മ്മകളുമായി അവര്‍ തിരിച്ചുപോകും.

ഈ ആളുകളെ മുഴുവന്‍ ഇവിടേയ്ക്ക് വരുത്താന്‍ ഇതു പോലെയുള്ള scenery കള്‍ കാണിച്ച് പല ടൂറിസ്റ്റ് സൈറ്റുകളും മാടിവിളിച്ച് തുടങ്ങിക്കഴിഞ്ഞു. ചുളുവില്‍ ഫോട്ടോകള്‍ ഒപ്പിയ്ക്കാന്‍ പലരും photo competition തുടങ്ങിക്കഴിഞ്ഞു. സമ്മാനം ഇവിടെത്തന്നെയുള്ള ഒരു കോട്ടേജില്‍ താമസിയ്ക്കാന്‍ ഒരു കൂപ്പണ്‍.

പ്രളയത്തിനുശേഷം

2010-05-26T17:56:00.000+05:30

ധീം തരികിട തോം..

2010-05-25T05:06:00.000+05:30

കാലില്‍ ഒരു തളയുമായി അന്നനട.

ഡാഡി ലോങ്ങ് ലെഗ്സ്

2010-05-23T18:53:00.000+05:30

ഏറ്റവും മുകളില്‍ കാണുന്നത് crane fly (Daddy long legs).

താഴെയുള്ളത് ഒരു പുതിയ അവതാരം, ഇതു വരെ കണ്ടിട്ടില്ല ഗാര്‍ഡനില്‍.

മഞ്ഞ

2010-05-21T13:43:00.000+05:30

ഓര്‍മ്മകള്‍

2010-05-18T18:24:00.000+05:30

പഴയ ട്രങ്കുപെട്ടികള്‍, തുകല്‍പ്പെട്ടികള്‍.

ഒരു 20-30 കൊല്ലം മുന്‍പ് വരെ സുപരിചിതരായിരുന്ന ഇവര്‍ ഇന്ന് തട്ടിന്‍പുറങ്ങളിലോ പത്തായപ്പുരകളിലോ വിശ്രമിയ്ക്കുന്നു.

ഈ ചിത്രം അയര്‍ലാന്റിലെ കോവ് (Cobh) എന്ന സ്ഥലത്ത് ഒരുക്കിയിരിയ്ക്കുന്ന Visitors centre ല്‍ നിന്ന്. ഇവിടെയാണ് Titanic അവസാനമായി നിറുത്തിയത്. അന്ന് പേര് Queenstown എന്നായിരുന്നു. 112 പേരാണ് ഇവിടെ നിന്ന് കയറിയത്.Southampton ല്‍ നിന്ന് Queenstown (Cobh) വരെ Titanic ല്‍ യാത്ര ചെയ്ത ഒരു പാതിരി എടുത്ത Titanic ചിത്രങ്ങള്‍ ഇവിടെ പ്രദര്‍ശിപ്പിച്ചിട്ടുണ്ട്.

Catch

2010-05-17T13:11:00.003+05:30

Starling

കയ്യില്‍ കിട്ടിയ ഇരയെ വെട്ടിവിഴുങ്ങാനുള്ള തയ്യാറെടുപ്പില്‍

ഒളിച്ചുനോട്ടം

2010-05-15T02:41:00.002+05:30

Common house sparrow adult male

കൈക്കൂലി വാങ്ങി പോസ് ചെയ്യുന്നതിനിടയില്‍ ഒരു നോട്ടം

Common House Sparrow Female or a juvenile

അധിനിവേശം

2010-05-11T01:26:00.002+05:30

നിറങ്ങള്‍

2010-05-07T18:23:00.000+05:30

Curious

2010-05-05T03:28:00.000+05:30

പേര് എനിയ്ക്കറിയില്ല.
കയ്യിലിരുപ്പ് - എന്റെ കയ്യീന്ന് മേടിയ്ക്കും.

എന്റെ സുഹൃത്തിന്റെ അയല്‍ക്കാരന്റേതാണീ നായ. ഗാര്‍ഡനില്‍ വരുന്ന പക്ഷികളെ ഒളിച്ചിരുന്ന് ഞാന്‍ ചിത്രത്തിലാക്കുമ്പോള്‍ അവയെ ഓടിച്ചുകളയുകയാണ് പ്രധാന ജോലി.അതിനു വേണ്ടി അതിര്‍ത്തിയില്‍ ചെടികള്‍ക്കിടിയില്‍ ഒരു ഒളിസ്ഥലം തന്നെ ഉണ്ടാക്കിയിട്ടുണ്ട്. കറുത്ത നിറമായതുകൊണ്ട് തീരെ കാണുകയുമില്ല. കയ്യിലിരുപ്പ് ഇതാണെങ്കിലും ആ നോട്ടം കണ്ടാല്‍ ചീത്ത പറയാന്‍ തോന്ന്വോ?

പുട്ടുറുമീസ്

2010-05-01T19:30:00.001+05:30

Another morning

2010-04-30T03:41:00.000+05:30

കറുപ്പും വെളുപ്പും

2010-04-27T13:07:00.000+05:30

പന്റ്രണ്ടാം നൂറ്റാണ്ടിലെ ഒരു പള്ളി, ഡിങ്കിള്‍, അയര്‍ലാന്റ്.

Kilmalkedar Church, Dingle

ഡിങ്കിള്‍- തെരുവ്

2010-04-25T15:49:00.000+05:30

അയര്‍ലന്റിന്റെ തെക്ക് പടിഞ്ഞാറായി കിടക്കുന്ന കെറി എന്ന കൌണ്ടി ടൂറിസ്റ്റുകളുടെ പ്രധാന സന്ദര്‍ശന കേന്റ്രമാണ്, ഫോട്ടോഗ്രാഫര്‍മാരുടെയും. അറ്റ്ലാന്റിക് സമുദ്രത്തിന്റെ പച്ച കലര്‍ന്ന നീലിമ ഒരു വശത്ത്, എതിര്‍വശത്ത് ഉയര്‍ന്ന് നില്‍ക്കുന്ന മലനിരകള്‍, ഇതിനിടയിലൂടെയുള്ള യാത്ര എല്ലാവരെയും പുളകം കൊള്ളിയ്ക്കും.
കടലരികിലായത് കൊണ്ട് എല്ലാ ഭക്ഷണശാലകളിലും പ്രധാന ഭക്ഷണം മത്സ്യവും ഞണ്ടും കക്കയും ചിപ്പിയുമൊക്കെ ത്തന്നെ.

ഉരുളന്‍ കല്ലുകള്‍

2010-04-22T03:54:00.000+05:30

Dingle ഒരു കടല്‍ത്തീര ചിത്രം

2010-04-19T03:07:00.002+05:30

ബാല്യം

2010-04-13T03:09:00.003+05:30

Just before the crash

2010-04-06T18:20:00.001+05:30

Hot air balloon at Trim castle, Co.Meath, Ireland

Brave Heart

2010-04-05T03:45:00.002+05:30

ഇത് Trim Castle, Co.Meath, Ireland.

ഐയര്‍ലന്റിലെ ഏറ്റവും വലുതെന്ന ഖ്യാതിയുള്ള ഈ കോട്ടയിലാണ് Braveheart ഏന്ന Mel Gibson സിനിമ ചിത്രീകരിച്ചത്.

ക്ലോസപ്പ് & മാക്രോ ഫോട്ടോഗ്രാഫി

2010-04-02T05:11:00.015+05:30

കഴിഞ്ഞ പോസ്റ്റില്‍ ഞാന്‍ ഏടുത്ത പൂ ചിത്രങ്ങളെക്കുറിച്ച് ചില കാര്യങ്ങള്‍ വിശദീകരിയ്ക്കണമെന്ന് ആഗ്രഹിച്ചിരുന്നു. ഈ വിഷയം തിടുക്കത്തില്‍ എഴിതിത്തീര്‍ക്കുന്നത് കൊണ്ട് ശ്രദ്ധേയമാകേണ്ട പല കാര്യങ്ങളും വിട്ടു പോകാനിടയായിട്ടുണ്ട്. കൂടുതല്‍ വിശദീകരണവും നടത്താന്‍ സാധിച്ചിട്ടില്ല. ക്ഷമിയ്ക്കുമല്ലോ.

മാക്രോ & ക്ലോസപ്പ് ഫോട്ടോഗ്രാഫി

വളരെയധികം തെറ്റിദ്ധരിയ്ക്കപ്പെട്ടിട്ടുള്ള ഒരു ഫൊട്ടോഗ്രാഫി വിഭാഗമാണിത്. Close up Photography യുടെ ഒരു വകഭേദം എന്നോ അല്ലെങ്കില്‍ Close up photography എന്നോ പൂക്കളുടെ, പ്രാണികളുടെ ചിത്രങ്ങളെയൊക്കെ Macro എന്ന് പേരിട്ട് വിളിയ്ക്കാറുണ്ട്. Macro photography എന്നല്ല Photomacrography എന്നാണ് ശരിയായ നാമമെന്ന് ചിലറ് അഭിപ്രായപ്പെടുന്നു. ചെറിയ വസ്തുക്കളുടെ ചിത്രങ്ങള്‍ എടുക്കുന്നതാണ് മാക്രോ ഫൊട്ടോ ഗ്രാഫിയായി അറിയപ്പെടുന്നത്.

മാക്രോ ചിത്രങ്ങള്‍ എടുക്കുന്നതിന് വേണ്ടി പ്രത്യേക മാക്രോ ലെന്‍സുകള്‍ ആവശ്യമാണ്. ഉദാ: Sigma 2.8 105 mm Lens. എല്ലാ ക്യാമറക്കമ്പനികളും അവരുടെ ക്യാമറകള്‍ക്ക് ചേരുന്ന തരത്തില്‍ ലെന്‍സുകള്‍ നിര്‍മ്മിയ്ക്കുന്നുണ്ട്.

ഇവ മിയ്ക്കവയും 1:1 അല്ലെങ്കില്‍ യഥാര്‍ത്ഥ വലിപ്പത്തില്‍ തന്നെ ചിത്രമെടുക്കാന്‍ കഴിയുന്നവയാണ്. എന്നാല്‍ മാക്രോ ലെന്‍സുകള്‍ കൊണ്ട് എടുക്കുന്ന എല്ലാ ചിത്രങ്ങളും മാക്രോ ആകണമെന്നില്ല. അവയില്‍ കാണുന്ന 1:1 എന്ന അനുപാതത്തില്‍ ചിത്രങ്ങള്‍ എടുത്തെങ്കില്‍ മാത്രമേ അവ മാക്രോ ആകുകയുള്ളൂ. മറ്റു പല ലെന്‍സുകളും (ഉദാ: Sigma 70-300) 1:2 ഓ 1:4 എന്ന അനുപാതത്തിലോ ചിത്രങ്ങള്‍ എടുക്കാന്‍ പറ്റുന്നവയാണ്. ഇവയെ Close up ചിത്രങ്ങള്‍ എന്ന് വിളിയ്ക്കാനേ നിര്‍വ്വാഹമുള്ളൂ.

മാക്രോ ഫോട്ടോഗ്രാഫിയെന്നത് 1:1 എന്ന അനുപാതത്തില്‍ അല്ലെങ്കില്‍ വസ്തുവിന്റെ യഥാര്‍ത്ഥ വലിപ്പത്തിലോ അല്ലെങ്കില്‍ അതിലും കൂടുതല്‍ വലിപ്പത്തിലോ ചിത്രത്തിലാക്കിയാല്‍ മാത്രമേ അതിനെ മാക്രോ എന്ന് വിളിയ്ക്കാന്‍ നിര്‍വ്വാഹമുള്ളൂ എന്ന വിവരണം ഫിലിം ഫോട്ടോഗ്രാഫിയുടെ കാലത്ത് തുടങ്ങ്നിയതാണ്. പഴയ ഫിലിമിന്റെ വലിപ്പം 36X24 mm ആയിരുന്നു.
അതായത് 35 mm നീളമുള്ള ഒരു പുഴുവിന്റെ ഫോട്ടോ മാക്രോ എന്ന് വിളിയ്ക്കണമെങ്കില്‍ ഫിലിമിന്റെ മുഴുവന്‍ നീളവും (ഫ്രയിം) നിറഞ്ഞ് നിക്കണം.

ഇപ്പോള്‍ ചെറിയ പ്രശ്നമുണ്ട്, ഡിജിറ്റല്‍ ക്യാമറകളുടെ ആവിര്‍ഭാഗത്തോടെ പല കമ്പനികളും അവരുടെ ക്യാമറയില്‍ മാക്രോ ചിത്രങ്ങള്‍ എടുക്കാന്‍ കഴിയും എ ന്ന് അവകാശപ്പെട്ടുതുടങ്ങിയതാണ് കാര്യം. ഈ compact camera കള്‍ വന്നു തുടങ്ങിയതോടെ മാക്രോ ഫോട്ടോഗ്രാഫി എളുപ്പമായി. അവയുടെ സെന്‍സറുകള്‍ വളരെ ചെറുതാണ്.

(1) Full frame camera (Canon 5D) sensor size : 36 X 24 mm

(2) APC -C type (canon 400d) sensor size : 22.2 X 14.8 mm

(3) Canon Powershot G9 sensoe size : 7.6 X 5.7 mm

ഈ മൂന്ന് ക്യാമറകളും ഉപയോഗിച്ച് 8 mm നീളമുള്ള ഒരു അരിമണി മാക്രോ രീതിയില്‍ ഏടുക്കുകയാണെങ്കില്‍ ഒന്നാമത്തെ ക്യാമറയുടെ സെന്‍സറിന്റെ നാലിലൊന്ന് ഭാഗം നിറഞ്ഞാല്‍ അത് മാക്രോ ആയി, രണ്ടാമത്തെ ക്യാമറയുടെ സെന്‍സറിന്റെ മൂനിലൊന്ന് നിറഞ്ഞാല്‍ അത് മാക്രോ ആയി, എന്നാല്‍ മൂന്നാമത്തെ ക്യാമറയുടെ സെന്‍സറിന്റെ മുഴുവന്‍ ഭാഗവും നിറഞ്ഞാല്‍ മാത്രമേ അത് മാക്രൊ ആകുകയുള്ളൂ. ഈ മൂന്ന് ചിത്രങ്ങളും ഒരേ വലിപ്പത്തില്‍ പ്രിന്റ് ചെയ്യുകയാണെങ്കില്‍ മൂന്നാമത്തെ ക്യാമറയില്‍ നിന്നുള്ള ചിത്രം ഫ്രെയിം നിറഞ്ഞ് നില്‍ക്കും.

അതിന്റെ നേരെ എതിര്‍വശം ചിന്തിയ്ക്കുകയാണെങ്കില്‍ ഒന്നാമത്തെ ക്യാമറയില്‍ എടുത്ത മാക്രോ ചിത്രത്തില്‍ അരിമണി ഫ്രെയിമിന്റെ നാലിലൊന്നേ നിറഞ്ഞിട്ടുള്ളൂവെങ്കിലും അത് 1:1 അനുപാതമായത് കൊണ്ട് അത് ശരിയായ മാക്രൊ ആണ്. എന്നാല്‍ അവസാനത്തെ ക്യാമറയില്‍ ഇതേ തരത്തില്‍ അതായത് ഫെയിമിന്റെ നാലിലൊന്ന് നിറയുന്ന തരത്തില്‍ ചിത്രമെടുത്താല്‍ അത് മാക്രോ ചിത്രമാകുകയില്ല. ഈ ഭാഗം കുറെപ്പേരെ കണ്‍ഫ്യൂഷനിലാക്കുന്നതാണ്.

മുകളില്‍ കാണുന്ന ചിത്രം Canon 400D + Sigma 105 mm 1:1 എന്ന അനുപാതത്തില്‍ എടുത്തതാണ്. ഇതില്‍ നിന്ന് ഈ ക്യാമറയുടെ സെന്‍സര്‍ വലിപ്പം 22 മി മി യാണെന്ന് കാണാം.

മുകളില്‍ കാണുന്ന ചിത്രത്തില്‍ Sony cybershot T 77 എന്ന ക്യാമറയും Canon 400D +Sigma 105 mm എന്ന ലെന്‍സും ഉപയോഗിച്ച് എടുത്ത ചിത്രങ്ങള്‍ കാണാം. രണ്ടു ക്യാമറകളും 10 മെഗാപിക്സല്‍ വീതം ഉള്ള ക്യാമറകളാണ്.

ഈ ചിത്രങ്ങള്‍ കണ്ടാല്‍ രണ്ടും ഒരേ പോലെ. പക്ഷെ ഒന്ന് മാക്രോ ചിത്രവും മറ്റൊന്ന് ക്ലോസപ്പ് ചിതവുമാണ്.മുകളില്‍ പറഞ്ഞ macro photography യുടെ definition പിന്തുടരുകയാണെങ്കില്‍ Canon ക്യാമറയില്‍ എടുത്ത ചിത്രം മാത്രമാണ് 1:1 അനുപാതത്തില്‍ ഉള്ളത്. 1 സെ.മി നീളമുള്ള തണ്ട് കാനണ്‍ ക്യാമറയുടെ സെന്‍സറില്‍ 1 സെ.മി നിറഞ്ഞിരിയ്ക്കുന്നു.Canon sensor size 22.2 X 14.8 mm. Cybershot camera യുടെ സെന്‍സര്‍ വലിപ്പം 6.16 x 4.62 mm. ഇതില്‍ യഥാര്‍ത്ഥ മാക്രോ കിട്ടണമെങ്കില്‍ തണ്ടിന്റെ മുക്കാല്‍ ഭാഗത്തോളം സെന്‍സറില്‍ നിറയണം. അത് സാധ്യമല്ല.

എന്നാല്‍ ഏത് ക്യാമറയിലാണ് ചിത്രം എടുത്തത് എന്ന് അറിയാത്തിടത്തോളം കാലം രണ്ടും ഒരേ പോലെ തോന്നുന്നതുകൊണ്ടും രണ്ടും മാക്രോ എന്ന് കണക്കാക്കേണ്ടിവരും.പലരും അവകാശപ്പെടുകയും ചെയ്യാറുണ്ട്. ഇപ്പൊള്‍ 12-15 മെഗാപിക്സല്‍ വരെയുള്ള ക്യാമറകള്‍ ലഭ്യമാവുന്നത് കൊണ്ട് അല്‍പ്പം crop ചെയ്താലും Quality കാര്യമായ വ്യത്യാസം വരാറില്ല. Sony Cybershot T 77 എന്ന ക്യാമറകൊണ്ട് മാക്രോ ഫോട്ടോഗ്രാഫി സാധ്യമല്ല. പക്ഷെ, അവയുടെ ചെറിയ സെന്‍സര്‍ കൊണ്ടും അവയുടെ close focusing range ഉള്ളതുകൊണ്ടും (ചിലത് 2 സെ.മി വരെ) മാക്രോചിത്രങ്ങള്‍ എടുക്കാന്‍ കഴിയുമെന്ന് കമ്പനി അവകാശപ്പെടുന്നു,അതേ പോലെ മറ്റുള്ളവരും.

ഇനി ഞാന്‍ ഏടുത്ത ചിത്രങ്ങള്‍ കണ്ടവര്‍ ചോദിച്ച ചോദ്യങ്ങള്‍

എങ്ങിനെയാണ് 1:1 അല്ലെങ്കില്‍ 1:5 :1 അല്ലെങ്കില്‍ 2.5:1 എന്നൊക്കെ മനസ്സിലായത്?

1:1 എന്ന അനുപാതം എങ്ങിനെയാണ് കിട്ടിയതെന്ന് മന്‍സ്സിലായിക്കാണുമല്ലോ. ചിത്രമെടുത്തത് Canon 50D (sensor size 22.3x14.9) + Sigma 105 mm @ 1:1 എന്ന അനുപാതത്തില്‍. ആ ചിത്രത്തില്‍ നോക്കിയാല്‍ 1.5 സെ.മി നീളമുള്ള പൂ ഫെയിമിന്റെപകുതിയില്‍ കൂടുതല്‍ നിറഞ്ഞ് നില്‍ക്കുന്നത് കാണാം. അതായത് 2.2 സെ.മി നീളമുള്ള സെന്‍സറിന്റെ (ഫെയിം) 1.5 സെ.മി യോളം പൂ നിറഞ്ഞിരിയിക്കുന്നു. അത് കൊണ്ട് 1:1 എന്ന അനുപാതം, അല്ലെങ്കില്‍ പൂവിന്റെ യഥാര്‍ത്ഥ വലിപ്പത്തില്‍ തന്നെ ചിത്രം എടുത്തിരിയ്ക്കുന്നു.

1.5 മടങ്ങ് വലിപ്പത്തില്‍ അല്ലെങ്കില്‍ 1.5 :1 എന്ന അനുപാതത്തില്‍ കാണിച്ചിരിയ്ക്കുന്ന ചിത്രത്തില്‍ പൂ സെന്‍സറിന്റെ മുഴുവന്‍ നീളത്തിലും നിറഞ്ഞിരിയ്ക്കുന്നു. അതായത് 1.5 സെ.മി വലിപ്പമുള്ള പൂ 2.2 സെ.മി നീളമുള്ള സെന്‍സറില്‍ നിറഞ്ഞിരിയ്ക്കുന്നു. പൂവിന് സംഭവിച്ച magnification 1.5 times.

ഇതേ പോലെ അവസാന ചിത്രത്തില്‍ നിന്നും magnification കണക്കാക്കാം.

അല്ലെങ്കില്‍ 1:1 എന്ന അനുപാതത്തിലുള്ള ചിത്രത്തില്‍ നിന്ന് പൂവിന്റെ അളവ് എടുക്കുക. ഫോട്ടോഷോപ്പില്‍. അതുപയോഗിച്ച് ബാക്കിയുള്ള ചിത്രങ്ങളുടെ magnification കണക്കാക്കാം. ഉദാ: 1:1 എന്ന അനുപാതമുള്ള ചിത്രത്തില്‍ പൂവിന്റെ ഇതളിന്റെ അഗ്രം മുതല്‍ Stamen വരെ 8 മി.മി എന്ന് Ruler tool ഉപയോഗിച്ചാല്‍ മനസ്സിലാകും. 2.5 times magnify ചെയ്തിട്ടൂള്ള ചിത്രത്തില്‍ ഏകദേശം 9 മി.മി പൂവ് കാണാം. ഇത് സെന്‍സറില്‍ നിറയണമെങ്കില്‍ 2.2/0.9 =2.477777.

നിങ്ങള്‍ക്ക് മനസ്സിലായിക്കാണുമെന്ന് കരുതുന്നു. ഈ ചിത്രങ്ങള്‍ crop ചെയ്തിട്ടില്ല. ഒരു ചിത്രത്തില്‍ ഫ്രെയിം കൊടുത്തതും, പേര് എഴുതിയതും sensoe dust ക്ലീന്‍ ചെയ്തതും അല്ലാതെ ചിത്രങ്ങളുടെ വലിപ്പത്തില്‍ ഒരു മാറ്റവും വരുത്തിയിട്ടില്ല. ഇതേ പോലെ എടുത്ത ഒരു പൂ ചിത്രം താഴെ. 1 സെ.മി വലിപ്പമുള്ള പൂ സെന്‍സര്‍ നിറയുന്ന തരത്തില്‍ ഇതും ഏകദേശം 2.5 മടങ്ങ് വലുതാക്കി എടുത്തതാണ്. കുറച്ച് crop ചെയ്തിട്ടുണ്ട്.

മുകളില്‍ കാണുന്നത് ആപ്പിളിന്റെ ഞെട്ടിയാണ്. പുറകില്‍ കാണുന്ന നിറങ്ങള്‍ ആപ്പിളിന്റെ ചുവപ്പും മഞ്ഞയും.

സ്വാഭാവികമായും ചിലര്‍ക്കെങ്കിലും സംശയം വരും എങ്ങിനെ ഇതുപോലെ magnify ചെയ്ത് ചിത്രങ്ങള്‍ എടുക്കാമെന്ന്?
Canon MP-E 65mm 1-5x Macro Lens ഉപയോഗിച്ച് 5 മടങ്ങ് വരെ വലുതാക്കി ചിത്രങ്ങള്‍ എടുക്കാന്‍ സാധിയ്ക്കും. അങ്ങിനെയാണ് പല മാക്രോ ഫോട്ടോഗ്രാഫേഴ്സും പ്രാണികളുടെ മുഖം വലുതായിക്കാണുന്ന തരത്തില്‍ എടുക്കുന്നത്.

ആ ലെന്‍സിന് ഏകദേശം 60000 രൂപയോളം വില വരും. സാധാരണ മാക്രോ ലെന്‍സുകള്‍ക്ക് 18000-30000 വരെ വിലയുണ്ട്.അതു കൊണ്ട് പലരും മറ്റു വഴികള്‍ നോക്കും.

Reversing a lens ആണ് പൊതുവെ കാണുന്ന രീതി. മുകളില്‍ ഞാനെടുത്തിട്ടുള്ള ചിത്രങ്ങള്‍ അങ്ങിനെ എടുത്തിട്ടുള്ളതാണ്. 50 mm ലെന്‍സിനെ തിരിച്ച് ക്യാമറയിലോ മറ്റൊരു ലെന്‍സിലോ ഘടിപ്പിയ്ക്കുന്നതാണ് രീതി.

അതിനെക്കുറിച്ച് അടുത്ത ലക്കം ( അതിന് മുന്‍പ് ഒന്ന് ഗൂഗ്ലി നോക്കിക്കൊള്ളൂ).

അഭിപ്രായങ്ങള്‍, എനിയ്ക്ക് പറ്റിയ പിശകുകള്‍ എല്ലാം ഇവിടെ ചൂണ്ടിക്കാണിയ്ക്കാം.

പൂ - ഒരു മാക്രോ കഥ

2010-03-31T00:09:00.004+05:30

കുറച്ച് നാളുകളായി മാക്രോ ശ്രദ്ധിയ്ക്കാതിരിയ്ക്കുകയായിരുന്നു. അപ്പോഴാണ് പ്രശാന്ത് ഒരു നല്ല ചിത്രം പോസ്റ്റ് ചെയ്തത്. ബോണ്‍സായ് cactus ല്‍ ഒരു പൂ വിടര്‍ന്നത് എന്തായാലും മാക്രിയേക്കാം എന്ന് കരുതി. ഇതാ. ചിത്രം crop ചെയ്തിട്ടില്ല. ഫോട്ടോഷോപ്പില്‍ ഫ്രെയിം & പേര്, സെന്‍സറിലെ പൊടി കളയുക എന്നിവ മാത്രമേ ചെയ്തുള്ളൂ. സാധാരണ ചെയ്യാറുള്ള levels and contrast ഈ ചിത്രങ്ങളില്‍ ചെയ്തിട്ടില്ല.പൂവിന്റെ വലിപ്പം 1.5cm.
ചിത്രത്തിന്റെ composition, lighting ഒന്നും കാര്യമായി ശ്രദ്ധിച്ചിട്ടില്ല; എന്തു മാത്രം magnification ലഭിയ്ക്കും എന്നതായിരുന്നു ഇന്നത്തെ project.

മുകളിലെ ചിത്രം 1:1 ആണ്, താഴെയുള്ളതെല്ലാം അതിലധികവും.

ഇത് 1.5 മടങ്ങ് വലിപ്പത്തില്‍. Crop ചെയ്തിട്ടില്ല.

ഇത് 2.5 മടങ്ങ് വലിപ്പത്തില്‍. Crop ചെയ്തിട്ടില്ല.

Canon MP-E 65MM Macro Lens ഉപയോഗിച്ച് 5 മടങ്ങ് വരെ വലുതാക്കാന്‍ കഴിയും. അതൊക്കെ വാങ്ങാന്‍ കഴിഞ്ഞാല്‍ ഞാനാരായി? തല്‍ക്കാലം ഇതൊക്കെ മതി.

ഹോള്‍ഗാ, നിന്നെക്കുറിച്ച്

2010-03-29T08:09:00.002+05:30

Copyright @ Eddie Mallin. www.monosnaps.com

Eddie Mallin എന്ന ഫോട്ടോഗ്രാഫറെ പരിചയപ്പെടുന്നതിന് മുന്‍പ് ബ്ലാക് & വൈറ്റ് ഫിലിം ഫോട്ടോഗ്രാഫിയൊട് പ്രത്യേകിച്ച് താത്പര്യമൊന്നും തോന്നിയിരുന്നില്ല. ഫിലിം ഫോട്ടോഗ്രാഫിയോട് എന്ന് മാത്രമല്ല, ബ്ലാക്ക് & വൈറ്റ് ഫോട്ടോകള്‍ ചില പോര്‍ട്രെറ്റ് ചിത്രങ്ങള്‍ക്കും ഡോക്യുമെന്ററികള്‍ക്കും മാത്രമേ ഉപകരിയ്ക്കൂ എന്ന ഒരു മുന്‍‌വിധിയും ഉണ്ടായിരുന്നുവോ എന്ന് സംശയമുണ്ട്. എങ്കിലും പലപ്പോഴായി കാണുന്ന പ്രദര്‍ശനങ്ങളില്‍ ബ്ലാക്ക് & വൈറ്റ് ചിത്രങ്ങളുടെ മികവ് അത്ഭുതപ്പെടുത്താതിരുന്നിട്ടീല്ല.

ഒരു പക്ഷെ, മലയാളം ഫോട്ടോ ബ്ലോഗുകളില്‍ ധൈര്യപ്പെട്ട് ഒരു മോണോ ചിത്രം പ്രസിദ്ധീകരിയ്ക്കുന്നവര്‍ കുറവാണെന്നതിന് കാരണം നിറങ്ങളുമായുള്ള അഭിരമിയ്ക്കല്‍ കാഴ്ചയുടെ രസമുകുളങ്ങളെ വല്ലാതെ ഉത്തേജിപ്പിയ്ക്കുന്നത് കൊണ്ടാവാനേ സാധ്യതയുള്ളൂ. ആസ്വാദകരുടെ താത്പര്യങ്ങള്‍ക്ക് അനുസരിച്ച് ചിത്രങ്ങളെടുക്കാനും അവയ്ക്ക് ‘പഞ്ച്’ ഉള്ള തലക്കെട്ടുകളിടാനും അത് കിട്ടിയില്ലെങ്കില്‍ ചിത്രത്തിനുതാഴെ നാലുവരി കവിതയെഴുതി വിമര്‍ശകരുടെ നാവടപ്പിയ്ക്കാനുമെല്ലാം നമ്മുടെ കച്ചവടബുദ്ധികള്‍ പലപ്പോഴായി ഉറക്കമൊഴിയ്ക്കുന്നുണ്ട്. ഇത് ആരോഗ്യകരമായ ഒരു മത്സരത്തിന് പലപ്പോഴും വഴി വെയ്ക്കുകയും അതുവഴി ആസ്വാദകര്‍ക്ക് മേന്മയേറിയ ചിത്രങ്ങള്‍ കാണുവാന്‍ അവസരം ലഭിയ്ക്കുകയും ചെയ്തിട്ടുണ്ട്.
മേന്മയേറിയ ചിത്രങ്ങള്‍ക്ക് മികച്ച ക്യാമറകള്‍, മികച്ച ലെന്‍സുകള്‍, ഫോട്ടോഷോപ്പ് എന്ന ഡിജിറ്റല്‍ ഡാര്‍ക്ക് റൂം എന്നിവയെല്ലാം ആവശ്യമാണെന്ന് പലപ്പോഴും കമ്പനികളും അല്ലെങ്കില്‍ അവരില്‍ നിന്ന് പരസ്യം വാങ്ങിയ്ക്കുന്ന ഫോട്ടോഗ്രാഫി മാഗസിനുകളും സ്വന്തം ലാഭത്തെ പെരുപ്പിയ്ക്കാന്‍ വേണ്ടി കഥകള്‍ ഉണ്ടാക്കിയെടുത്തിട്ടുണ്ട് (ഈ പരാമര്‍ശം എന്നെത്തന്നെ വല്ലാതെ ചുറ്റിച്ച ഒന്നാണ്, കാരണം പണ്ടുണ്ടായതിനേക്കാള്‍ കൂടുതല്‍ ക്യാമറ ഉപയോഗിയ്ക്കുന്നവര്‍ ഇപ്പോഴുണ്ടെന്നത് തന്നെ. ഡിജിറ്റല്‍ ക്യാമറ കൈയിലുള്ളവര്‍ മറ്റ് ലെന്‍സുകള്‍,ഫോട്ടോഷോപ്പ്, എന്നിവയ്ക്ക് വേണ്ടി പണം സ്വരൂപിയ്ക്കുവാന്‍ നിര്‍ബന്ധിതരാവുന്നതായിരുന്നു മനസ്സില്‍). ഈ പ്രവണത പലരെയെന്ന പോലെ എന്നെയും ഒരു വലിയ പരിധി വരെ സ്വാധീനിച്ചിട്ടുണ്ട്.

കുറച്ച് വര്‍ഷങ്ങള്‍ക്ക് മുന്‍പ് വരെ, അതായത് ഡിജിറ്റല്‍ ക്യാമറകള്‍ ജനകീയമാവുന്നതിന് മുന്‍പ്, വൈല്‍ഡ് ലൈഫ് ഫോട്ടോഗ്രാഫി, സ്പോര്‍ട്സ് ഫോട്ടോഗ്രാഫി, ലാന്‍‌ഡ്സ്കേപ്പ് ഫോട്ടോഗ്രാഫി,ഫാഷന്‍ എന്നിവയെല്ലാം ചെയ്തിരുന്നത് ‘പ്രൊഫഷണല്‍’ കാറ്റഗറിയില്‍ത്തന്നെ ഉയര്‍ന്ന ശ്രേണിയിലുള്ളവരായിരുന്നുവെന്ന് മാത്രമല്ല, അവരുപയോഗിച്ചിരുന്നത് ‘വില കൂടിയ‘, ‘മേന്മയേറിയ‘ ഉപകരണങ്ങളായിരുന്നു. ചെറിയ പോയിന്റ് ആന്‍ഡ് ഷൂട്ട് ക്യാമറകള്‍ കൊണ്ട് ചിത്രങ്ങളെടുത്ത് അമെച്ചര്‍ ഫോട്ടോഗ്രാഫേഴ്സ് നിര്‍വൃതിയടഞ്ഞു. ആ അവസ്ഥയില്‍ നിന്ന് ‘L' സീരീസ് ലെന്‍സുകളും 15-21 മെഗാപിക്സലുകളും HD video രെക്കോര്‍ഡ് ചെയ്യാന്‍ കഴിയുന്ന ക്യാമറകളും കൈവശമുള്ളവരുമായി അമെച്ചര്‍ ഫോട്ടോഗ്രാഫേഴ്സ് വളര്‍ന്നത്. ഈ വളര്‍ച്ച ഒരു പരിധി വരെ ഫോട്ടോഗ്രാഫിയുടെ ആസ്വാദനത്തെത്തന്നെ മാറ്റിമറിച്ചിട്ടുണ്ട്. അതോടൊപ്പം തന്നെ ഇത്ര മനോഹരമായി ചിത്രങ്ങളെടുക്കാന്‍ വില കൂടിയ ക്യാമറകളും വിലകൂടിയ ലെന്‍സുകളും അവ പ്രൊസസ്സ് ചെയ്യാന്‍ വിലയേറിയ സോഫ്റ്റ്വെയറുകളും വേണമെന്ന ഒരു തെറ്റിദ്ധാരണ വളര്‍ത്തിയെടുക്കാന്‍ ഈ കുതിച്ചുചാട്ടം വഴിവെയ്ക്കുകയും ചെയ്തു.
സുഹൃദ്സംഗമങ്ങളില്‍ ഒരുനാള്‍ ചര്‍ച്ച ഈ വിഷയങ്ങളില്‍ക്കൂടി കടന്നുപോകുമ്പോള്‍ ‘മേന്മയേറിയ‘ ചിത്രങ്ങള്‍ക്ക് വേണ്ടി നല്ല ലെന്‍സുകള്‍ വേണമെന്ന അഭിപ്രായക്കാരനായിരുന്ന(പ്രത്യേകിച്ച് wildlife photography) എന്നോട് Eddie Mallin നെ പരിചയമുണ്ടോ എന്ന് ഒരു സുഹൃത്ത് ചോദിച്ചത്. ഇല്ലെങ്കില്‍ തീര്‍ച്ചയായും പരിചയപ്പെട്ടിരിയ്ക്കണം എന്ന മറുപടിയില്‍ ഒരു പരിഹാസത്തിന്റെ ലാഞ്ചന കണ്ടതുകൊണ്ട് അദ്ദേഹത്തെക്കുറിച്ച് കൂടുതലറിയാന്‍ അദ്ദേഹത്തിന്റെ വെബ്സൈറ്റ് ചോദിച്ച് വാങ്ങിച്ചെടുത്ത് ഒന്ന് വിശദമായിക്കണ്ടു.
ചില ചിത്രങ്ങള്‍ താഴെ.
Eddie Mallin - website

ഈ പോസ്റ്റില്‍ ഉപയൊഗിച്ചിട്ടുള്ള ചിത്രങ്ങളുടെ കോപ്പിറൈറ്റ് അവകാശം Eddile Mallin ന്റേതാണ്. ചിത്രങ്ങള്‍ ഉപയൊഗിയ്ക്കാന്‍ അനുവദിച്ചതിന് അദ്ദേഹത്തോട് നന്ദി പറയുന്നു.

Rights of the pictures used in this post are owned by Eddie Mallin. Visit www.monosnaps.com to see more of his creative work. I wish to express my sincere gratitude to him for letting me use these pictures in this blog post.

Copyright @ Eddie Mallin. www.monosnaps.com

Copyright @ Eddie Mallin. www.monosnaps.com

ഈ ചിത്രങ്ങള്‍ ഏതൊരു ആസ്വാദകനെയും ഒരു നിമിഷം പിടിച്ചു നിറുത്തും, അവയിലെ നിറങ്ങളുടെ അപര്യാപ്തത പ്രത്യേകിച്ചും. പക്ഷേ, അതു മാത്രമല്ല ഈ ചിത്രങ്ങളെ വ്യത്യസ്ഥമാക്കുന്നത്. ഈ ചിത്രങ്ങളെല്ലാം എടുത്തിരിയ്ക്കുന്നത് ബ്ലാക്ക് & വൈറ്റ് ഫിലിമിലാണ്. അതു മാത്രമോ? ഇവയെല്ലാം എടുത്തിരിയ്ക്കുന്നത് ഹോള്‍ഗാ എന്ന പ്ലാസ്റ്റിക് ക്യാമറയിലും.

ചിത്രം Wikipedia Commons ല്‍ നിന്ന്.

ഹോള്‍ഗാ, നിന്നെക്കുറിച്ച്
ഹോള്‍ഗ എന്ന പ്ലാസ്റ്റിക് ക്യാമറ ഇത്രയും പ്രശസ്തമായത് അതിന്റെ നിര്‍മ്മിതിയുടെ പൂര്‍ണ്ണത കൊണ്ടല്ല, മറിച്ച് അതിലെ പാളിച്ചകള്‍ കൊണ്ടാണെന്നതാണ് ഏറെ രസകരം. നിലനില്‍ക്കുന്ന ഫോട്ടോഗ്രാഫി നിയമങ്ങളെയും ആസ്വാദനത്തെയും ദൂരെ മാറ്റിനിര്‍ത്തി കാഴ്ചയുടെ പുതിയ രസങ്ങള്‍ ആവാഹിച്ചിരിയ്ക്കുകയാണീ ക്യാമറ. നിര്‍മ്മാണത്തിലെ പിഴവ് മൂലം വന്നിരിയ്ക്കുന്ന light leak ഉണ്ടാക്കുന്ന vignetting (ചിത്രത്തിന്റെ മൂലകളില്‍ കാണുന്ന കറുപ്പ്) സൃഷ്ടിയ്ക്കുന്ന മാന്ത്രികതയായിരിയ്ക്കണം ഹോള്‍ഗയെന്ന ചൈനീസ് സുന്ദരിയ്ക്ക് ഇത്രയധികം കാമുകന്മാരെ ഉണ്ടാക്കിക്കൊടുത്തത്.

1980കളില്‍ ചൈനയില്‍ പ്രചാരത്തിലിരുന്ന മീഡിയം ഫോര്‍മാറ്റ് 120 ഫിലിം ഉപയോഗിയ്ക്കാന്‍ പറ്റിയ ഒരു വില കുറഞ്ഞ ക്യാമറയായാണ് ഹോള്‍ഗാ ഹോങ്ങ്കോങ്ങില്‍ രംഗപ്രവേശം ചെയ്യുന്നത്. ചൈനീസ് ഇടത്തരക്കാരില്‍ വളരെയധികം പ്രചാരത്തിലായിരുന്ന ഹോള്‍ഗ, താമസിയാതെ 35mm ഫിലിം ക്യാമറകള്‍ക്ക് വഴി മാറി. പക്ഷെ, അപ്പോഴേയ്ക്കും ഈ ക്യാമറയുടെ പ്രശസ്തി പടിഞ്ഞാറേയ്ക്ക് കടല്‍ കടന്നിരുന്നു. 20 ല്‍പ്പരം രാജ്യങ്ങളില്‍ ഇപ്പോഴും പലതരക്കാരില്‍, അവര്‍ ആര്‍ട്ട് വിദ്യാര്‍ഥികളോ, ഫോട്ടോഗ്രാഫി പരീക്ഷണം നടത്തുന്നവരോ ആരുമായിക്കൊള്ളട്ടെ, 10 ല്‍ പ്പരം പുതിയ ഡിസൈനുകളുമായി ഈ ക്യാമറ ഇപ്പോഴും ചരിത്രം സൃഷ്ടിയ്ക്കുകയാണ്.

ഇതില്‍ ഉപയൊഗിച്ചിരിയ്ക്കുന്ന പ്ലാസ്റ്റിക് ലെന്‍സ് fixed focus of 60mm ആണ്. അപ്പെര്‍ച്ചര്‍
സൂചിപ്പിക്കാനായി രണ്ട് സെറ്റിങ്ങ് ഉണ്ട്. സൂര്യപ്രകാശം അധികം ഉള്ളപ്പോള്‍ ഉപയോഗിയ്ക്കാന്‍ ഒന്ന്. മറ്റൊന്ന് പ്രകാശം കുറവുള്ളപ്പോള്‍ ഉപയൊഗിയ്ക്കാനും. ഉപയൊഗിച്ച് പരിചയമുള്ളവര്‍ പറഞ്ഞത് ഇവ രണ്ടും വലിയ വ്യത്യാസമില്ലായെന്ന്. പിന്നെയുള്ളത് ഫോകല്‍ ഡിസ്റ്റന്‍സാണ്. അതിന് 4 സെറ്റിങ്ങ് ഉണ്ട്. ഒരാള്‍ (3 feet), രണ്ടാള്‍(6 feet), കുറച്ചധികം ആളുകള്‍(18 feet), പിന്നെ infinity(30 feet or so). 120 medium format ഫിലിം ആണ് ഈ ക്യാമറയില്‍ ഉപയൊഗിയ്ക്കുന്നത്. ഇപ്പോള്‍ ലഭ്യമാകുന്ന ഹോള്‍ഗ ക്യാമറയില്‍ 35 mm ഫിലിം ഉപയോഗിയ്ക്കാമെന്നതിന് പുറമെ, ഫ്ലാഷ്, റ്റൈമര്‍, ഫില്‍ട്ടറുകള്‍ എന്നിങ്ങനെ പലതരം അനുസാരികളും പിന്‍‌ഹോള്‍ ഹോര്‍ഗ, ഗ്ലാസ്സ് ലെന്‍സ് ഹോള്‍ഗ,Twin Lens Reflex Holga(ഇതിലെനിയ്ക്കൊരു കണ്ണുണ്ട്) എന്നിങ്ങനെ പല പുതിയ രൂപമാറ്റങ്ങളും വന്നിട്ടുണ്ട്. ക്യാമറയുടെ വില $20 മുതല്‍ $150 വരെ പോകുന്നു.

Copyright @ Eddie Mallin. www.monosnaps.com

Eddie Mallin ഉപയൊഗിയ്ക്കുന്നത് ഒരു സാധാരണ ഹോള്‍ഗാ ക്യാമറയാണ്. ചിലപ്പോള്‍ ചില ഫില്‍ട്ടറുകള്‍ ടേപ്പ് ഉപയോഗിച്ച് ഒട്ടിച്ച് വെയ്ക്കാറുണ്ട് അദ്ദേഹം. മാത്രമല്ല, സ്വന്തമായി ഒരു റ്റൈമര്‍ ഉണ്ടാക്കുകയും ചെയ്തിട്ടുണ്ട്. ഹോള്‍ഗ ഉപയോഗിച്ച് Double exposure ചിത്രങ്ങളെടുക്കാമെന്നതാണ് മറ്റൊരു പ്രത്യേകത.
Eddie യുടെ ചിത്രങ്ങളുടെ പ്രദര്‍ശനം കാണുകയും അദ്ദേഹത്തിന്റെ അനുഭവങ്ങള്‍ കേള്‍ക്കുകയും ചെയ്തപ്പോള്‍ ഇവിടെ തീര്‍ച്ചയായും പങ്കു വെയ്ക്കണമെന്ന് തോന്നി. ഈ മനോഹര ചിത്രങ്ങള്‍ എല്ലാം തന്നെ സ്വന്തം ഡാര്‍ക്ക് റൂമില്‍ പ്രൊസസ്സ് ചെയ്ത് ഏടുത്തവയാണ്. അതു കൊണ്ട് തന്നെ അവയില്‍ കുറെയധികം പരീക്ഷണങ്ങള്‍ അദ്ദേഹത്തിന് സാധിയ്ക്കുന്നു. ചായയില്‍ മുക്കിയ പേപ്പര്‍ ഉണക്കി അതില്‍ പ്രിന്റ് ചെയ്ത് സെപിയ ചിത്രങ്ങള്‍ ഉണ്ടാക്കുന്നതും പ്രിന്റ് ചെയ്ത ചിത്രങ്ങളില്‍ പെയിന്റുപയൊഗിച്ച വര്‍ണ്ണങ്ങള്‍ ചേര്‍ക്കുന്നതും അദ്ദേഹത്തിന്റെ പരീക്ഷണങ്ങളിലുണ്ട്(സൂര്യകാന്തിയുടെ ചിത്രം കാണുക). ഇത്ര മനോഹര ചിത്രങ്ങള്‍ ഈ ചെറുക്യാമറയില്‍ പെട്ടെന്നെടുക്കാം എന്ന് ധരിയ്ക്കുകയൊന്നും വേണ്ട. 2-3 വര്‍ഷങ്ങള്‍ നീണ്ടു നിന്ന പരീക്ഷണങ്ങള്‍ക്ക് ശേഷമാണ് ഇത്തരം ചിത്രങ്ങള്‍ എടുക്കാന്‍ അദ്ദേഹത്തിന് സാധിച്ചത്. പ്രത്യേകിച്ചും വെളിച്ചത്തിന്റെ ക്രമീകരണം തികച്ചും അസാധ്യമാകുമ്പോള്‍.

ഫ്ലിക്കറില്‍ ഒന്ന് തപ്പിയാല്‍ ഹോള്‍ഗയില്‍ ചിത്രങ്ങളെടുക്കുന്ന മറ്റനവധി പേരെ കണ്ടെത്താന്‍ കഴിയും. എല്ലാവരും ഹോള്‍ഗ ഉണ്ടാക്കുന്ന ആ മാന്ത്രികസ്പര്‍ശം ആസ്വദിയ്ക്കുന്നവരാണ്.ഫോകസിങ്ങിലെ പ്രത്യേകതകള്‍ കൊണ്ട് ചിലപ്പോഴൊക്കെ അവ്യക്തമാകുന്ന കാഴ്ചകള്‍ പ്രകാശത്തിന്റെ വലയങ്ങള്‍ കൊണ്ട് അത്ഭുതങ്ങള്‍ സൃഷ്ടിയ്ക്കുന്ന ഒന്നായി മാറുന്നു. ശരിയാണ്, ഫോട്ടോഗ്രാഫിയുടെ നിയമങ്ങള്‍ കാറ്റില്‍പ്പറത്തി കാഴ്ചയുടെ പുതിയ മാനങ്ങള്‍ സൃഷ്ടിച്ച് ആസ്വാദകരെ അമ്പരിപ്പിയ്ക്കുന്ന ഒരു വില കുറഞ്ഞ പ്ലാസ്റ്റിക് ക്യാമറ.

അന്നത്തെ സന്ദര്‍ശനം കഴിഞ്ഞ് തിരിച്ച് വരുമ്പോള്‍ മനസ്സില്‍ ഈ ചിത്രങ്ങളും ഈ കൊച്ച് സുന്ദരിയും മാത്രമായിരുന്നു. മാത്രമല്ല, How to do inexpensive photography എന്ന സങ്കല്‍പ്പം അതിശക്തമായി വളരുകയും ചെയ്തു.
ഇതില്‍ത്തന്നെ ഒരു മറുവശമുണ്ട്. ഹോള്‍ഗ ക്യാമറയ്ക്ക് വില കുറവാണെങ്കിലും അത് പ്രൊസസ്സ് ചെയ്ത് പ്രിന്റ് ചെയ്യാന്‍ ചെലവുണ്ടെന്നതാണത്. Eddie ഈ ചെലവുകളെ മറികടക്കുന്നത് സ്വയം പ്രിന്റ് ചെയ്താണ്. ഞാന്‍ ഈ ക്യാമറ വാങ്ങുകയാണെങ്കില്‍ സ്വന്തമായി പ്രൊസസ്സ് ചെയ്യാനാണ് തീരുമാനം. നെഗറ്റീവ് സ്കാനര്‍ ഉപയോഗിച്ച് സ്കാന്‍ ചെയ്യുന്ന ചിത്രങ്ങള്‍ പിന്നിട് സൌകര്യം പോലെ ഉപയോഗിയ്ക്കാമല്ലോ.

വിലയേറിയ ലെന്‍സുകളും ക്യാമറകളും വാങ്ങുന്നവര്‍ വാങ്ങിയ്ക്കട്ടെ, അതുകൊണ്ടവര്‍ മേന്മയേറിയ ചിത്രങ്ങള്‍ എടുക്കട്ടെ. മേന്മയേറിയ ചിത്രങ്ങള്‍ വില കുറഞ്ഞ ക്യാമറകള്‍ കൊണ്ടും എടുക്കാന്‍ കഴിയും എന്ന് നിങ്ങളില്‍ കുറച്ച് പേരെയെങ്കിലും കാണിച്ച്തരാനും ആത്മവിശ്വാസം വളര്‍ത്താനുമാണ് ഈ പോസ്റ്റ്. അത് നിങ്ങളുടെ പോയിന്റ് & ഷൂട്ട് ക്യാമറയോ മൊബൈല്‍ ക്യാമറയോ ആയിക്കൊള്ളട്ടെ.

രാജീവ് എന്‍.രാമന്‍ എന്ന ഡിസൈനറുടെ മൊബൈല്‍ ക്യാമറയില്‍ നിന്നുള്ള ചിത്രങ്ങള്‍.

ഇവിടെ

ഇവിടെയും.

പറന്ന്

2010-03-26T02:33:00.005+05:30

ഐറിഷ് വൈല്‍ഡ് ലൈഫ് ഫോട്ടോഗ്രാഫിയ്ക്ക് പുതിയ മാനങ്ങള്‍ നല്‍കിയ Mike Brown എന്ന പ്രതിഭയുമായി ഇന്നലെ സംസാരിയ്ക്കുന്നതിനിടയില്‍ കാലാവസ്ഥയും സൂര്യനും രാജ്യങ്ങളും ഫോട്ടോഗ്രാഫിയെയും കാഴ്ചപ്പാടുകളെയും എങ്ങിനെയൊക്കെ രസകരമായി ബാധിയ്ക്കുന്നുവെന്ന് വിവരിയ്ക്കുകയുണ്ടായി. അതിലൊന്ന് നോര്‍വ്വെയിലുള്ള ഒരു ഫോട്ടോഗ്രാഫറെക്കുറിച്ച് (പേര് മറന്നു പോയി) പറഞ്ഞത് അദ്ദേഹത്തിന് ബ്ലറായ ചിത്രങ്ങള്‍ എടുക്കാനാണ് താല്പര്യമെന്ന്(കാറ്റിലാടുന്ന മരങ്ങള്‍,നടന്നുപോകുന്ന ആളുകള്‍, വാഹനങ്ങള്‍ തുടങ്ങിയവ). കൂടുതല്‍ സമയം ഇരുട്ടീല്‍ കഴിയുമ്പോള്‍ ഉണ്ടാകുന്ന Depression എല്ലാം തന്നെ ഈ ചിത്രങ്ങളില്‍ പ്രതിഫലിയ്ക്കുമത്രെ. അതില്‍ നിന്ന് പ്രചോദനമുള്‍ക്കൊണ്ട് Mike Brown ഏടുത്ത ചില പക്ഷി ചിത്രങ്ങള്‍ അദ്ദേഹത്തിന്റെ കൈവശം കാണുകയും ചെയ്തു. അത് കണ്ടപ്പോള്‍ അത്തരമൊന്ന് കുറച്ച് നാള്‍ മുന്‍പ് ഞാന്‍ ശ്രമിച്ചത് ഇവിടെ ചേര്‍ക്കുന്നു. ഈ ചിത്രത്തില്‍ ഒരു മൂവ്മെന്റ് ബ്ലറ് വരാന്‍ വേണ്ടി അല്‍പ്പം പാനിങ്ങ് നടത്തിയിട്ടുണ്ട്. Mike നെ കണ്ടില്ലായിരുന്നെങ്കില്‍ വെളിച്ചം കാണാതെ പോകുമായിരുന്ന ഈ ചിത്രത്തെ വ്യത്യസ്ഥമായി കാണാന്‍ പ്രചോദനം നല്‍കിയതിന് Mike നോട് നന്ദി പറയുന്നു.

Mike Brown website

അദ്ദേഹമെഴുതിയ മൂന്ന് പുസ്തകങ്ങളില്‍ ഒന്ന് എന്റെ കൈവശമുണ്ട്. ചിത്രങ്ങള്‍ അതിഗംഭീരം എന്ന് തന്നെ പറയണം. മാത്രമല്ല Wild life and nature ലുള്ള അദ്ദേഹത്തിന്റെ അറിവ് പ്രമാദം. വലിയ ഒരു ഉത്തേജനമായിരുന്നു ഈ കൂടിക്കാഴ്ച. ഒരു പക്ഷേ, അദ്ദേഹത്തോടൊപ്പം ഒരു ഫീല്‍ഡ് ട്രിപ്പ്; ഈ വര്‍ഷത്തില്‍ എപ്പോഴെങ്കിലും,അതാണ് ഇപ്പോള്‍ ആലോചിച്ചുകൊണ്ടിരിയ്ക്കുന്നത്.

ദേവീ, കാക്കണേ

2010-03-19T19:34:00.002+05:30

കഴിഞ്ഞ വര്‍ഷത്തെ ഭരണിച്ചിത്രങ്ങളില്‍ നിന്ന്

പാഡീസ് ഡേ

2010-03-18T19:16:00.004+05:30

ലോകമെമ്പാടുമുള്ള ഐറിഷ് ജനത ഇന്നലെ St.Patrick's Day ആഘോഷിച്ചു. ഇന്നലെ Dublin ല്‍ നടന്ന പരേഡില്‍ നിന്ന്.

പരേഡ് കാണാന്‍ ആളുകള്‍ വളരെ നേരത്തേ തന്നെ വന്ന് സ്ഥലം പിടിച്ചതുകൊണ്ട് ചിത്രങ്ങളെടുക്കാന്‍ വളരെ കഷ്ടപ്പെട്ടു. മൂന്ന് പേരുടെ തലയ്ക്ക് മുകളിലൂടെ പൊക്കിപ്പിടിച്ചാണ് ചിത്രങ്ങളെടുത്തത്.

Skyfest 2010 - വെടിക്കെട്ട്

2010-03-15T01:18:00.003+05:30

ഇന്നലെ നടന്ന വെടിക്കെട്ട്. വര്‍ഷം തോറും അയര്‍ലന്റിലെ ഓരോ നഗരങ്ങളിലും നടക്കുന്ന Skyfest എന്ന ഉത്സവത്തില്‍ നിന്ന്.

വെടിക്കെട്ടിന് മുന്‍പ് നിറങ്ങളില്‍ മുങ്ങി നില്‍ക്കുന്ന King John's Castle and River shannon. ഈ കാസില്‍ നിര്‍മ്മിച്ചത് പതിമൂന്നാം നൂറ്റാണ്ടില്‍.

പ്രിയ സൂനമേ

2010-03-12T00:42:00.002+05:30

Bubble POP

2010-03-05T21:22:00.003+05:30

Bubble pop ചിത്രങ്ങള്‍ മാഗസിനുകളിലും പത്രങ്ങളിലും നിറഞ്ഞുനിന്ന ദിവസങ്ങളില്‍ ഫ്ലിക്കറിലെ Richard Heeks(King of Bubble pop) ന്റെ പേജില്‍ പലതവണ visit ചെയ്തിരുന്നു. അന്ന് ഇതൊന്ന് try ചെയ്യണമെന്ന് കരുതിയെങ്കിലും ഇതുവരെ ശ്രമിച്ചിരുന്നില്ല.

ഈ ശ്രമം ഒരു പരാജയമായിരുന്നുവെങ്കിലും(വല്ലാത്ത കാറ്റ്; പറന്നു നടക്കാതെയുള്ള bubbles ആണ് നല്ലത്) ആകെ കിട്ടിയ ഒരെണ്ണം ഒരു റെക്കോഡിനുവേണ്ടി ഇവിടെ തട്ടൂന്നു. കാറ്റില്ലാത്ത അധികം സൂര്യപ്രകാശമില്ലാത്ത ഒരു സമയമാണ് ഇതിന് നല്ലത്. കൂടുതല്‍ വിവരങ്ങള്‍ Richard Heeks ന്റെ പേജില്‍ വായിയ്ക്കൂ...

Windygap തുടര്‍ച്ച.

2010-03-04T16:36:00.002+05:30

ഇതും കഴിഞ്ഞ ചിത്രങ്ങളുടെ തുടര്‍ച്ചയാണ്. ഈ ചിത്രത്തിന്റെ foreground ഇരുട്ടിലായതുകൊണ്ട് Dodge tool ഉപയോഗിച്ച് lighten ചെയ്തിട്ടുണ്ട്.

വിശ്വാസത്തിന്റെ വഴി

2010-03-03T06:16:00.002+05:30

Windy gap, Stradbally.

ഒരു ചെറിയ കാടിനകത്തേയ്ക്ക് പോകുന്ന് വഴിയാണ് ചിത്രത്തില്‍. അസ്തമയം ചിത്രത്തിലാക്കുമ്പോള്‍ വെറുതെ ഒന്ന് തിരിഞ്ഞുനോക്കിയപ്പോഴാണ് സൂര്യകിരണങ്ങള്‍ പതിച്ച് തിളങ്ങി നില്‍ക്കുന്ന വൃക്ഷങ്ങള്‍ കണ്ടത്. സമയം കളയാതെ ഒന്ന് പകര്‍ത്തി.
ഈ സ്ഥലം ഇവിടുത്തെ ഓരോ കത്തോലിക്കനും വളരെ പ്രധാനപ്പെട്ട ഒന്നാണ്. ഇംഗ്ലീഷ് പ്രൊട്ടസ്റ്റന്റ് ഭരണകാലത്ത് കത്തോലിക്കാചാരങ്ങള്‍ നിഷേധിയ്ക്കപ്പെട്ടപ്പോള്‍ ഇവിടുത്തെ സാധാരണക്കാരായ കത്തോലിക്കര്‍ ഈ കാട്ടിനകത്ത് ഒരു രഹസ്യസ്ഥലത്താണ് പ്രാര്‍ത്ഥനകള്‍ നടത്തിയിരുന്നത്. ഇപ്പോഴും ഓര്‍മയ്ക്കായി അവിടെ ഒരു കുരിശ് സ്ഥാപിച്ചിട്ടുണ്ട്. ടൂറിസം മാപ്പില്‍ ഈ സ്ഥലം പ്രാധാന്യത്തോടെ വിവരിയ്ക്കപ്പെട്ടിരിയ്ക്കുന്നു.

Untitled

2010-03-02T01:07:00.001+05:30

ഉണ്ടക്കണ്ണന്‍

2010-03-01T03:00:00.002+05:30

മാക്രോ ചിത്രങ്ങള്‍ എടുക്കുമ്പോള്‍ Depth വളരെ ശ്രദ്ധിയ്ക്കേണ്ട ഒന്നാണെന്ന് ഈ ചിത്രമെടുത്തപ്പോള്‍ മന്‍സ്സിലായി. മാക്രോ ലെന്‍സ് കിട്ടിയ ശേഷം ആദ്യം കയ്യില്‍കിട്ടിയ Damsel fly ആയിരുന്നു ഇത്. 105 mm f2.8 lens വലിയ അപ്പെര്‍ച്ചറില്‍ വളരെ ചെറിയ depth മാത്രമേ തരികയുള്ളൂ.

ഇപ്പോള്‍ ഈ ചിത്രമെടുക്കുകയാണെങ്കില്‍ അല്‍പ്പം കൂടി Depth ഉണ്ടാക്കാന്‍ ശ്രമിച്ചേനെ...

പ്രതിഫലനം

2010-03-01T02:54:00.002+05:30

ഓളവും തീരവും

2010-02-26T05:09:00.004+05:30

കഴിഞ്ഞ വര്‍ഷം എടുത്ത ചിത്രങ്ങല്‍ നോക്കി ഉപയോഗശൂന്യമെന്ന് തോന്നുന്നവ ഡിലീറ്റ് ചെയ്യുമ്പോള്‍ പലതവണ എഡിറ്റുചെയ്ത ഈ ചിത്രം കണ്ണില്‍പ്പെട്ടു. St.Helen's beach എന്ന സ്ഥലത്തുനിന്ന്. ഒന്നു കൂടി എഡിറ്റു ചെയ്ത് ഇതാ. ഓരോ തവണ ഡിജിറ്റല്‍ ഡാര്‍ക്ക് റൂമില്‍ കയറിയിറങ്ങുമ്പോഴും ചിത്രം നല്ലതെന്ന് തോന്നും, കുറച്ചുകഴിയുമ്പോള്‍ അതിനോടുള്ള താല്പര്യം പോകും.

കാക്കച്ചിത്രം

2010-02-20T15:18:00.002+05:30

ROOK

Goldfinch

2010-02-18T05:11:00.002+05:30

Sigma 70-300 at 300 mm, f 5.6, 1/160 and ISO 640. 100 % crop

കടല്‍ക്കാഴ്ചകള്‍

2010-02-11T05:58:00.002+05:30

അയര്‍ലന്റിന്റെ 5 കി.മി തെക്കുകിഴക്കായി കിടക്കുന്ന ഒരു ചെറിയ ദ്വീപാണ് Saltee Island. അവിടെ നിന്നുള്ള ഒരു ദൃശ്യം. മനുഷ്യവാസമില്ലാത്ത ഈ ദ്വീപ് ഇന്ന് ഒരു കൂട്ടം പക്ഷികളുടെയും മൃഗങ്ങളുടെയും ആവാസകേന്റ്രമാണ്. പക്ഷിനിരീക്ഷകരും ചിത്രകാരന്മാരും പടം‌പിടുത്തക്കാരും മാത്രമേ ഈ ദ്വീപില്‍ പോകാറുള്ളൂ. വേനല്‍ക്കാലത്ത് അവിടെയുള്ള പക്ഷികളുടെ ചിത്രങ്ങളെടുക്കാന്‍ യൂറോപ്പിലെല്ലായിടത്തുനിന്നും ആളുകള്‍ എത്തുന്നത് കൊണ്ട് താമസവും ബോട്ടും നേരത്തെ ബുക്ക് ചെയ്യണം.

ഭാര്‍ഗ്ഗവീ നിലയം

2010-02-06T08:11:00.007+05:30

ഇതിന് മുന്‍പും ഈ കെട്ട് ഞാന്‍ പോസ്റ്റ് ചെയ്തിരുന്നു. wide angle lens ഉപയോഗിച്ച് കെട്ടിടങ്ങളുടെ ചിത്രമെടുക്കുമ്പോള്‍ ഉണ്ടാകുന്ന ചില കുഴപ്പങ്ങള്‍ ഇതില്‍ കാണാം. മഴ് പെയ്ത് തുടങ്ങിയതു കൊണ്ട് വേറൊരു ദിവസം വന്ന് ചിത്രമെടുക്കാമെന്ന് കരുതിയെങ്കിലും കഴിഞ്ഞില്ല.വളരെ മനോഹരമായ ഒരു കെട്ടിടമാണിത്. ഇതിനകത്ത് തന്നെ അതിസുന്ദരമായൊരു ഗാര്‍ഡനും ഒരു ഞായറാഴ്ച ചന്തയും പ്രവര്‍ത്തിയ്ക്കുന്നുണ്ട്. IRA training കാലത്ത് ഈ കൊട്ടാരം ഉപയോഗിച്ചിരുന്നുവെന്ന് കേട്ടിട്ടുണ്ട്.

ഒരു ബീച്ച് ചിത്രം

2010-02-01T19:04:00.004+05:30

ചക്രവാളം അല്‍പ്പം ചരിഞ്ഞാണിരിയ്ക്കുന്നത്. പോസ്റ്റ് ചെയ്ത് കഴിഞ്ഞാണ് കണ്ടത്. ഇനിയിപ്പൊ അങ്ങിനെ പോട്ടെ.

മണല്‍ച്ചിത്രങ്ങള്‍

2010-02-01T03:42:00.002+05:30

ഇന്നത്തെ സൂര്യോദയം ചാക്കിലാക്കാന്‍ ഒരു സംഘമായി ചെന്ന് നാണം കെട്ട് പോരേണ്ടിവന്നു.10.30 മണി വരെ സൂര്യനെ കണ്ടതേയില്ല. എന്നാല്‍പ്പിന്നെ കിട്ടിയത് തൊട്ടുകൂട്ടാം.
വേലിയിറക്കത്തില്‍ Dublin Sandymount beach ല്‍ കണ്ട പ്രകൃതിയുടെ കരവിരുത്.

പുള്ളിപ്പുലി

2010-01-30T01:03:00.006+05:30

ഈ ചിത്രം 2008 ല്‍ എടുത്തതാണ്. പഴയ ചിത്രങ്ങള്‍ തപ്പുന്നതിനിടയില്‍ കണ്ടപ്പോള്‍ പുതിയ ഒരു കൌതുകം തോന്നി. അതിങ്ങനെയവസാനിച്ചു.

ഇന്നത്തെ പക്ഷി

2010-01-26T03:47:00.004+05:30

Song Thrush എന്ന ഒരു കൊച്ചു പക്ഷിയാണ് ഇന്ന് വന്നത്. ഈ പക്ഷിയെ ആദ്യമായാണ് ഗാര്‍ഡനില്‍ കാണുന്നത്. വേറെ ചില Song Thrush കള്‍ പതിവായി വരാറുണ്ട്. ഇത് ഒരു juvenile ആണെന്ന് തോന്നുന്നു. കാശു ചിലവാക്കി 3-4 കമരകളുള്ള bird feeder വാങ്ങിവെച്ചെങ്കിലും ഒരുത്തനും അത് വേണ്ട, ഒരു പക്ഷെ പുതിയതായതുകൊണ്ടായിരിയ്ക്കും.

Camera 50D, Lens Sigma 70-300, ISO 800-3200, 1/250-1/320 sec, f 5.6. ISO 3200 വരെ ഉപയോഗിച്ച ചിത്രങ്ങളില്‍ noise വളരെ കൂടുതലാണ്.വെളിച്ചം കുറവായതുകൊണ്ടാണ് ISO കൂട്ടേണ്ടി വന്നത്. ഒരു പക്ഷെ സമ്മറില്‍ നല്ല വെളിച്ചമുള്ളപ്പോള്‍ വീണ്ടും വരുമായിരിയ്ക്കും.

ഇന്നത്തെ വിരുന്നുകാര്‍

2010-01-25T00:39:00.002+05:30

ആദ്യമായാണ് ഇത്രയും സമയം ഗാര്‍ഡന്‍ പക്ഷികള്‍ക്ക് വേണ്ടി ചിലവഴിയ്ക്കുന്നത്. അതുകൊണ്ട് മോശമില്ലാത്ത ഒരു കളക്ഷന്‍ സ്വന്തമായി.

ക്യാമറ ക്ലിക്ക് ചെയ്യുന്ന ശബ്ദം കേട്ട് ശ്രദ്ധിയ്ക്കുന്നതാണ് ചങ്ങാതി.